Olketa Secondary Article lo Wastaoa

Staka pablisa iusim JW Library^® for prepare for olketa meeting, and olketa laekem tumas hao datfala library showim each Wastaoa study article. Bat Wastaoa study magasin savve garem olketa secondary article wea hem important spiritual kaikai tu. Hao nao iu savve faendem and benefit from olketa article hia taem iu iusim JW Library?

• Lo end blo each study article, wanfala subheding stap wea sei “Additional Reading.” Anda lo datfala subheding, tapim datfala link “Other articles in this issue.” Lo table of content, bae iu lukim list blo olketa study article and namba blo olketa. Tapim title blo secondary article wea iu laek for readim.

• Lo Home tab blo JW Library lo sekson “What’s New,” daonlodim each niu issue blo Wastaoa taem hem appear. Openem datfala magasin wea iu daonlodim and lukluk lo olketa title lo table of content for mek sure iu benefit from evri article hia.