Nogud Samting From War
Staka experience showim war and violent conflict hem barava affectim pipol. Olketa soldia and civilian wea stap lo ples wea datwan happen olketa nao main wan wea war affectim olketa.
SOLDIA
“Iu evritaem lukim pipol dae or kasem serious injury evriwea raonem iu. No enitaem iu feel sef.”—Gary, Britain.
“Olketa bullet kasem baksaed and feis blo mi, and mi lukim olketa killim dae staka pipol, includim olketa pikinini and olo. War mekem iu no feel sorre lo olketa wea safa and dae.”—Wilmar, Colombia.
“Taem olketa sutim samwan front eye blo iu, datfala scene hard for go aot from mind blo iu. Iu still lukim and herem datfala person hem gohed safa and krae. Iu hard for forgetim datfala person.”—Zafirah, United States.
CIVILIAN
“Mi feel olsem no enitaem bae mi hapi moa. Mi fraet for dae, bat worse go moa mi fraet nogud olketa killim dae olketa lo famili and frens blo mi.”—Oleksandra, Ukraine.
“Mifala fraet for standap followim laen for kaikai start lo 2:00 a.m. go kasem 11:00 p.m., nogud enitaem nomoa bullet kasem mifala.”—Daler, Tajikistan.
“War mekem mi no garem parents. Hem mekem mi no garem dadi and mami and no eniwan for comfortim and lukaftarem mi.”—Marie, Rwanda.
Nomata olketa hia safa bikos lo war, olketa experiencem peace. And olketa convince dat klosap nao evri war and violent conflict bae finis. Disfala Wastaoa magasin bae iusim Bible for explainim hao datwan bae happen.