Lanem Samting From Olketa Piksa lo Pablikeson blo Iumi

Insaed lo olketa pablikeson blo iumi hem garem staka piksa wea savve teachim iumi olketa important point. Hao nao iu savve kasem gud samting from olketa piksa?

• Lukluk lo olketa piksa firstaem bifor iu readim datfala article. Maet olketa piksa wea iu lukim hem mekem iu barava laek for readim datfala article. Hem olsem taem iu lukim naesfala kaikai wea stap lo pleit and iu barava hapi and luk forward for kaikaim. Lo sem wei tu, iu bae barava hapi for readim datfala article if iu lukluk lo olketa piksa firstaem. So bifor iu readim wanfala article, askem iuseleva: ‘Wat nao mi lukim lo olketa piksa hia?’—Amos 7:​7, 8.

• Taem iu readim datfala article, ting abaotem why olketa chusim piksa for stap lo wanfala article. Readim olketa piksa caption or olketa piksa description if hem stap. Ting abaotem hao datfala piksa hem join witim subject wea stap lo paragraf and wat iu savve lanem from datfala piksa.

• Afta iu read finis, iusim olketa piksa for reviewim olketa main point lo datfala article. Then trae for ting raonem datfala piksa lo mind blo iu and olketa point wea each piksa hem teachim.

• Hao if iu lukluk moa lo olketa piksa wea stap insaed disfala magasin and trae for rememberim olketa point wea hem teachim?