Hu Nao Mary Magdalene?
Ansa from Bible
Mary Magdalene hem wanfala faithful follower blo Jesus Christ. Luk olsem nem Magdalene, hem nem blo taon Magdala (maet Magadan), wea hem klosap lo Sea blo Galilee. Mary maet hem stap lo there.
Mary Magdalene hem wanfala lo staka woman wea travel witim Jesus and olketa disaepol blo hem for sapotim olketa lo material need blo olketa. (Luke 8:1-3) Hem witnessim taem olketa killim dae Jesus, and hem wanfala lo olketa first wan wea lukim taem Jesus hem resurrect.—Mark 15:40; John 20:11-18.
Hao, Mary Magdalene hem wanfala prostitute?
Bible no talem dat Mary Magdalene hem wanfala prostitute. Bat hem storyim nomoa dat Jesus raosem sevenfala demon from hem.—Luke 8:2.
Wea nao datfala idea dat hem wanfala prostitute kam from? Centuries afta Mary dae, samfala pipol talem dat hem nao sem woman (luk olsem wanfala prostitute) wea wasim feet blo Jesus witim tias blo hem and draem lo hair blo hem. (Luke 7:36-38) Bat, no eni Scriptural basis stap for disfala biliv.
Hao, Mary Magdalene hem “aposol for olketa aposol”?
Nomoa. Catholic Church kolem Mary “St. Mary Magdalene” witim tu “aposol for olketa aposol” bikos hem wanfala lo olketa first wan wea go talem nius lo olketa aposol abaotem resurrection blo Jesus. (John 20:18) Bat diswan no minim hem wanfala aposol. And no eni scripture hem talem hem wanfala aposol.—Luke 6:12-16.
Olketa man wea raetem Bible completim klosap lo end blo first century C.E. Bat, kasem mek six century olketa bigman blo church start for givim Mary Magdalene wanfala spesol and hae position. Lo second and third century, samfala raeting wea no part lo Bible canon sei dat samfala aposol blo Jesus jealous lo Mary. Olketa kaen mek ap story olsem no garem eni basis lo olketa Scripture.
Hao, Mary Magdalene hem waef blo Jesus Christ?
Nomoa. Bible hem talem klia dat Jesus hem no marit.a
a Lukim article “Hao Jesus Hem Marit? Hao, Jesus Garem Olketa Sibling?”