Why Nao Iumi Iusim Nem blo Jesus lo Prea?

Ansa from Bible

Taem iumi prea lo God iumi mas iusim nem blo Jesus bikos datwan nomoa only wei wea God appruvim for iumi savve kam lo Hem. Jesus sei: “Mi nao datfala road, mi nao datfala truth, and mi nao datfala laef. Mi nomoa only wei for man go lo Dadi lo heven.” (John 14:6) And Jesus sei tu lo olketa faithful aposol blo hem: “Mi talem iufala tru samting, sapos iufala askem Dadi for eni samting lo nem blo mi, bae hem givim lo iufala.”—John 16:23.

Staka reason for why iumi iusim nem blo Jesus lo prea

• Iumi honorim Jesus and Dadi blo hem, Jehovah God.—Philippians 2:9-11.

• Iumi showim dat iumi appreciatim dae blo Jesus dat hem provision wea God givim for iumi kasem salvation.—Matthew 20:28; Acts 4:12.

• Iumi tinghae lo spesol role blo Jesus olsem Mediator between God and man.—Hebrews 7:25.

• Iumi respectim waka wea Jesus olsem Hae Priest wea savve helpem iumi for garem gud standing front lo God.—Hebrews 4:14-16.