Wat Nao Mi Savve Prea for Hem?

Ansa from Bible

Iu savve prea for eniting wea hem acceptable lo God olsem wat Bible talem, wea sei: “Eni samting wea iumi askem wea followim tingting blo God, hem herem iumi.” (1 John 5:14) Hao, iu savve storyim wat iu wari abaotem? Yes. Bible sei: “Pourimaot heart blo iufala front lo [God].”—Psalm 62:8.

Examples blo wat for askem lo prea

• Faith lo God.—Luke 17:5.

• Holy spirit, or paoa blo God, for helpem iu duim stret samting.—Luke 11:13.

• Strong for deal witim olketa problem and for rejectim temptation.—Philippians 4:13.

• Peace gaedem heart or for calm.—Philippians 4:6, 7.

• Wisdom for mekem gud disison.—James 1:5.

• Helpem iu for garem wat iu needim each day.—Matthew 6:11.

• Forgiveness for olketa sin.—Matthew 6:12.