Wat Nao Bible Talem Abaotem Blood Transfusion?
Ansa from Bible
Bible talem dat iumi mas no tekem blood. So iumi shud no acceptim blood or olketa smol part blo hem, nomata hem stap insaed kaikai or olsem transfusion. Lukim wat olketa scripture hia talem:
Genesis 9:4. Afta lo Flood, God allowim Noah and famili blo hem for kaikaim meat blo animal bat hem komandim olketa for no kaikaim blood. God talem Noah: “Iufala mas no kaikaim meat wea garem blood, wea datwan hem laef blo hem.” Disfala komand apply for evri man start kam from datfala taem, bikos evri man kam from laen blo Noah.
Leviticus 17:14. “Iufala mas no kaikaim blood blo eni samting wea laef bikos laef blo olketa samting wea laef hem blood blo hem. Eniwan wea kaikaim datwan iufala mas killim hem dae.” God ting lo soul, or laef, hem insaed lo blood and datwan blo hem. Nomata disfala law hem for nation blo Israel, hem showim hao lo tingting blo God, disfala law for no kaikaim blood hem important.
Acts 15:20. “Stap klia . . . from blood.” God givim lo olketa Christian sem komand wea hem givim lo Noah. History showim dat olketa Christian lo first century no laek tekem blood or even iusim for medical reason.
Why nao God komandim iumi for stap klia from blood?
Samfala medical evidence showim dat hem danger for tekem blood transfusion. Samting wea moa important, God givim komand for iumi stap klia lo blood bikos hem representim holy samting.—Leviticus 17:11; Colossians 1:20.