Hao, Hem Stret for Blamem God for Safaring wea Kasem Iumi?

Ansa from Bible

Bible talem stret ansa hem no! Safaring hem no part lo purpose blo Jehovah God for olketa man. Bat, first human couple rebel againstim rul blo God, tufala chus for putim own standard lo wat hem gud and nogud. Tufala lusim God and kasem nogud samting wea kamaot from datwan.

Tuday iumi experiencem nao olketa nogud samting from nogud disison tufala mekem. Bat ino God nao startim safaring wea kasem olketa man.

Bible hem sei: “Taem man kasem test, hem mas no sei: “God nao hem traem mi.” Diswan hem bikos no eniwan savve traem God for duim nogud samting, or God tu no traem eniwan for duim nogud samting.” (James 1:13) Hard taem savve kasem eniwan, even pipol wea God hapi lo olketa.