Hao Nao Pipol Ting lo Respect for Man Seleva?
WHY HEM IMPORTANT FOR MAN RESPECTIM HEMSELEVA
Pipol wea respectim olketa seleva olketa confident for deal witim challenge lo laef. Olketa no givap kwiktaem.
Research showim hao wei for stress, sorre, and for no balance saed lo kaikai hem isi for kasem pipol wea no respectim olketa seleva. And staka taem hem isi for olketa drinkim tumas alcohol and tekem drug.
Pipol wea respectim olketa seleva avoidim wei for comparem olketa seleva witim olketa narawan and datwan mekem hem isi for olketa savve stap gud witim pipol and fren gud tugeta. Bat, olketa wea no barava respectim olketa seleva, staka taem savve garem negative tingting abaotem narawan, wea datwan savve spoelem wei wea olketa fren gud tugeta.
Pipol wea respectim olketa seleva, olketa gohed strong nomata taem olketa feisim challenge lo laef; olketa no letem challenge for stopem olketa for kasem goal blo olketa. Bat olketa wea no barava respectim olketa seleva, staka taem ting lo olketa smol mistek olsem big problem. Datwan savve mekem olketa for givap kwiktaem.
WAT IU SAVVE DUIM
Chusim olketa fren wea savve strongim iu. Associate witim pipol wea showim respect, wea really tingim iu, and wea bae strongim iu.
Helpem olketa narawan. Taem iu kaen and duim samting for olketa narawan, includim olketa wea no savve duim gud samting for iu, iu bae kasem trufala hapi wea kam from wei for give. Iu bae barava hapi nomata olketa narawan no lukim gud samting wea iu duim.
Helpem pikinini blo iu for garem wei for respectim hemseleva. Wanfala wei for duim datwan hem for letem olketa traem best for solvem problem blo olketa seleva, sapos olketa fit for duim. Datwan bae helpem pikinini for lane for deal witim olketa problem and winim datwan. Wei for duim olsem bae helpem olketa for respectim olketa seleva distaem and taem olketa growap.
WAT OLKETA JEHOVAH’S WITNESS DUIM
Olketa meeting and Bible study program blo olketa Jehovah’s Witness helpem pipol for impruvim laef blo olketa and wei wea olketa respectim olketa seleva.
MEETING BLO MIFALA EVRI WEEK
Lo olketa meeting blo mifala evri week, mifala enjoyim wei for lisin lo olketa tok from Bible abaotem hao for man respectim hemseleva. Olketa meeting blo mifala hem free and eniwan nomoa savve attendim. For example, lo meeting blo mifala iu bae lanem . . .
why iu important lo God
hao for hapi and satisfae lo laef
hao for garem olketa gudfala fren for olowe
Iu bae meetim tu olketa trufala fren wea barava tingim each other. —1 Corinth 12:25, 26.
For savve moa abaotem olketa meeting blo mifala, search lo jw.org for datfala short video Wanem Nao Mifala Duim Long Kingdom Hall?
BIBLE COURSE BLO MIFALA
Mifala offerim free Bible course lo buk Enjoyim Laef for Olowe! Disfala buk for study garem olketa key scripture, klia ansa, olketa important kwestin, olketa interesting video, and olketa naes piksa. Bible course blo mifala helpem pipol for garem wei for showimaot respect and impruvim laef blo olketa.
For lukim gud samting wea iu savve kasem from wei for studyim Bible witim Olketa Jehovah’s Witness, search lo jw.org for datfala short video Why Nao Hem Gud for Studyim Bible?