Bae God Helpem Mi If Mi Prea?

Ansa from Bible

Yes, God helpem olketa wea barava ask for olketa tings wea followim will blo hem. Even if iu no prea bifor, example lo Bible abaotem olketa wea prea olsem, “God, helpem mi,” savve encouragem iu. For example:

• “O Jehovah, God blo mi, helpem mi; showim mercy blo Iu and sevem mi.”—Psalm 109:26, A Literal Translation of the Bible.

• “Mi barava needim help: O God, helpem mi.”—Psalm 69:6, Douay Version.

Hem tru, raeta blo olketa toktok hia garem strong faith lo God. Nomata olsem, God lisin lo evriwan wea prea lo hem witim raet attitude, olsem olketa wea “heart blo olketa brek” or “olketa wea discourage.”—Psalm 34:18.

No tingse dat God hem no concern abaotem olketa problem wea iu kasem. Bible sei: “Nomata Jehovah hem hae, hem luksavve lo man wea hambol; bat man wea praod hem no kam klosap lo hem.” (Psalm 138:6) Wantaem Jesus sei lo olketa disaepol blo hem: “Hem kaontem finis tu evri hair lo hed blo iufala.” (Matthew 10:30) God savve lo evri detail abaotem iu wea even iuseleva no savve lo hem. Haomas moa if iu prea lo hem for helpem iu taem iu wari, hem bae lisin lo iu!—1 Peter 5:7.