بائبل خدا دا کلام اے

یہوواہ خدا نے سانوں اِک شان‌دار تحفہ دِتا اے۔ ایہہ تحفہ بائبل اے جدے چ 66 کتاباں نیں۔ پر شاید تُسی سوچو کہ بائبل کنہے لکھوائی؟ تے ایہہ ساڈے تک کیویں پونچی؟ ایہناں سوالاں دے جواب جانن لئی، آؤ کجھ خاص گلاں تے غور کرئیے۔‏

1.‏ جے بائبل نُوں انساناں نے لکھیا اے تے فیر اَسی ایہہ کیوں کہنے آں کہ ایہہ خدا دا کلام اے؟‏

بائبل نُوں تقریباً 40 آدمیاں نے لکھیا۔ ایہدی لکھائی 1513 قبل‌ازمسیح چ شروع ہوئی تے 98 عیسوی چ ختم ہوئی۔ اِنج ایہہ تقریباً 1600 سالاں چ لکھی گئی۔ بھانویں کہ ایہنوں فرق فرق لوکاں نے لکھیا پر فیر وی ایہدا پیغام اِک ای اے۔ پر ایہہ کیویں ہو سکدا اے؟ ایہدی وجہ ایہہ وے کہ ایہنوں خدا نے لکھوایا اے۔ (‏1-‏تھسلُنیکیوں 2:‏13 نُوں پڑھو۔)‏ بائبل نُوں لکھن والیاں نے ایہدے چ اپنے خیال نئیں پائے سگوں پاک روح اوہناں دی مدد کردی سی تے اوہ خدا وَلّوں بولدے سن۔‏a (‏2-‏پطرس 1:‏21‏)‏ اصل چ خدا اپنی پاک روح دے ذریعے اوہناں نُوں دَسدا سی کہ اوہناں نے کیہہ لکھنا اے۔—‏2-‏تیمُتھیُس 3:‏16‏۔‏

2.‏ بائبل توں کون کون فائدہ حاصل کر سکدا اے؟‏

ہر قوم، قبیلے، زبان تے نسل دے لوک بائبل توں فائدہ حاصل کر سکدے نیں۔ (‏مکاشفہ 14:‏6 نُوں پڑھو۔)‏ خدا چاہندا اے کہ بوہتے توں بوہتے لوک بائبل نُوں اپنی زبان چ پڑھ سکن۔ ایس لئی اوہنے بوہت ساریاں زباناں چ ایہدا ترجمہ کروایا اے۔ اَج تک کسے وی کتاب دا اینیاں زباناں چ ترجمہ نئیں ہویا جنیاں زباناں چ بائبل دا ترجمہ ہویا اے۔ ایس لئی تُسی بھانویں جِتھے وی رہندے او، تُسی بائبل نُوں اپنی زبان چ پڑھ یاں سُن سکدے او۔‏

3.‏ یہوواہ خدا نے بائبل نُوں اَج تک کیویں بچا کے رکھیا اے؟‏

بائبل نُوں ایہو جہیاں چیزاں اُتے لکھیا گیا سی جیہڑیاں کجھ عرصے بعد خراب ہو جاندیاں نیں جیویں کہ چمڑا وغیرہ۔ پر بائبل نُوں پیار کرن والے لوکاں نے بڑے دھیان نال اپنے ہتھاں نال لکھ لکھ کے ایہدیاں کاپیاں بنائیاں۔ بھانویں کہ کجھ حکمراناں تے مذہبی لیڈراں نے بائبل نُوں مٹان دی کوشش کیتی پر بوہت سارے لوکاں نے ایہنوں بچان لئی اپنی جان دی بازی لا دِتی۔ یہوواہ نے کسے وی انسان یاں چیز دی وجہ توں بائبل نُوں تباہ نئیں ہون دِتا۔ اوہ ایہدے ذریعے اپنے وفادار لوکاں دی رہنمائی کر دا آیا اے۔ بائبل چ دَسیا گیا اے کہ ساڈے خدا دا کلام ہمیشاں تک قائم رہندا اے۔‏‏—‏یسعیاہ 40:‏8۔‏

ہور سوچ‌وچار لئی

4.‏ بائبل چ دَسیا گیا اے کہ اصل چ ایہہ کدا کلام اے

ویڈیو چلاؤ تے فیر 2-‏تیمُتھیُس 3:‏16 نُوں پڑھو تے ایہناں سوالاں تے گل بات کرو:‏

ویڈیو:‏ بائبل دا اصل لکھاری کون اے؟—‏حصہ (‏48:‏2)‏

• جے بائبل نُوں انساناں نے لکھیا اے تے فیر ایہنوں خدا دا کلام کیوں کہیا جاندا اے؟‏

• کیہہ ایہہ مننا صحی اے کہ خدا اپنے خیال انساناں تک پونچا سکدا اے؟‏

5.‏ بائبل نُوں مٹان دِیاں کوششاں ناکام ہو گئیاں

ویڈیو:‏ بائبل لئی اوہناں نے اپنی جان وار دِتی—‏حصہ ‏(‏ولیم ٹینڈیل)‏ (‏17:‏6)‏

• بائبل نُوں محفوظ رکھن لئی بوہت ساریاں قربانیاں دِتیاں گئیاں۔ کیہہ ایہہ گل جان کے تواڈے اندر بائبل نُوں پڑھن دا ہور شوق پیدا ہوندا اے؟‏

زبور 119:‏97 نُوں پڑھو تے فیر ایس سوال تے گل بات کرو:‏

• بائبل دا ترجمہ کرن تے ایہنوں دُوجیاں تک پونچان لئی بوہت سارے لوکاں نے اپنی جان کیوں وار دِتی؟‏

6.‏ ہُن ہر کوئی بائبل حاصل کر سکدا اے

دُوجیاں کتاباں نالوں بائبل دا ترجمہ سب توں زیادہ زباناں چ ہویا اے ایس لئی تقریباً سارے لوک ایہنوں حاصل کر سکدے نیں۔ اعمال 10:‏34، 35 نُوں پڑھو تے فیر ایہناں سوالاں تے گل بات کرو:‏

• خدا ایہہ کیوں چاہندا اے کہ اوہدے کلام دا ترجمہ زیادہ توں زیادہ زباناں چ ہووے تے ایہہ سارے لوکاں تک پونچے؟‏

• توانوں بائبل بارے کیہڑی گل سب توں زیادہ چنگی لگدی اے؟‏

خلاصہ

بائبل خدا دا کلام اے۔ اوہنے ایہہ بندوبست کیتا اے کہ بائبل سارے انساناں تک پونچے۔‏

دہرائی

• خدا نے انساناں کولوں بائبل کیویں لکھوائی؟‏

• بائبل نُوں محفوظ رکھن، ایہدا ترجمہ کرن تے ایہنوں انساناں تک پونچان لئی جیہڑیاں کوششاں کیتیاں گئیاں، اوہناں بارے جان کے توانوں کیہہ محسوس ہوندا اے؟‏

• خدا نے اپنا کلام تواڈے تک پونچان لئی بوہت کجھ کیتا اے۔ جدوں تُسی ایس گل تے غور کردے او تے توانوں کیہو جیہا محسوس ہوندا اے؟‏

ہور جانن لئی

ایس مضمون چ پڑھو کہ بائبل پرانے زمانے توں ساڈے زمانے تک کیویں پونچی۔‏

بائبل ہمارے زمانے تک محفوظ کیسے رہی؟‏ (‏جاگو!‏ دا مضمون)‏

ایہناں مضموناں چ پڑھو کہ بائبل تِن وڈے خطریاں توں کیویں بچ گئی۔‏

بائبل قائم‌ودائم کیسے رہی؟‏ (‏مینارِنگہبانی دے مضمون)‏

ایس ویڈیو چ ویکھو کہ لوکاں نے بائبل دا ترجمہ کرن لئی کیہڑیاں کیہڑیاں مشکلاں دا سامنا کیتا۔‏

بائبل لئی اوہناں نے اپنی جان وار دِتی (‏26:‏14)‏

بائبل دِیاں بوہت ساریاں کاپیاں بنائیاں گئیاں نیں تے ایہدا بوہت ساریاں زباناں چ ترجمہ کیتا گیا اے۔ ایہہ جانن دے بعد تُسی ایہہ یقین کیوں رکھ سکدے اوہ کہ بائبل ذرا وی نئیں بدلی۔‏

کیہہ بائبل بدل گئی اے؟‏ (‏ویب‌سائٹ تے مضمون)‏