پیار نال پیش آؤ

یسوع دی مثال

ویڈیو:‏ یسوع نے اِک اَنھے نُوں شفا دِتی

1.‏ ویڈیو ویکھو یاں یوحنا 9:‏1-‏7 نُوں پڑھو۔‏ فیر ایہناں سوالاں تے غور کرو:‏

1. ‏(‏الف)‏ یسوع نے پہلاں کیہہ کیتا، اَنھے بندے نُوں شفا دِتی یاں اوہنوں بادشاہی دا پیغام سُنایا؟ —‏یوحنا 9:‏35-‏38 نُوں ویکھو۔‏

2. ‏(‏ب)‏ یسوع جیس طرحاں اوس بندے نال پیش آیا، اوہدی وجہ توں اوہ بادشاہی دا پیغام سُنن لئی کیوں تیار ہو گیا؟‏

اَسی یسوع دی مثال توں کیہہ سکھنے آں؟‏

2.‏ جے اِک بندہ محسوس کردا اے کہ سانوں اوہدی فکر اے تے شاید اوہ ساڈی گل سُنن لئی تیار ہو جائے۔‏

یسوع دی مثال تے عمل کرو

3.‏ ہمدردی وکھاؤ۔‏ سمجھن دی کوشش کرو کہ اگلا بندہ کیہو جیہا محسوس کر رہیا اے۔‏

1. ‏(‏الف)‏ اپنے آپ کولوں پچھو:‏ ”‏اوہ کیہڑی گل دی وجہ توں پریشان اے؟ کیہڑی گل توں اوہنوں حوصلہ تے تسلی مِل سکدی اے؟“‏ اپنے آپ کولوں ایہو جہے سوال پچھن نال تُسی اوس بندے لئی دلوں فکر تے مہربانی ظاہرکر سکو گے۔‏

2. ‏(‏ب)‏ اوہدی گل دھیان نال سُن کے ظاہر کرو کہ توانوں اوہدی فکر اے۔ جے اوہ توانوں دَسدا اے کہ اوہ کسے گل بارے کیہہ محسوس کر رہیا اے یاں اوہ توانوں اپنے کسے مسئلے یاں پریشانی بارے دَسدا اے تے گل دا رُخ نہ موڑو۔‏

4.‏ پیار تے عزت نال گل کرو۔‏ جے تُسی کسے بندے لئی واقعی پیار یاں ترس محسوس کردے او، نالے اوہدی مدد وی کرنا چاہندے او تے ایہہ تواڈیاں گلاں توں نظر آئے گا۔ سوچو کہ تُسی کیہہ کہوو گے تے کیس طرحاں کہوو گے۔ نالے کوئی ایہو جہی گل نہ کہوو جدے توں اوہنوں تکلیف پونچے۔‏

5.‏ مدد کرن لئی تیار رہوو۔‏ ویکھو کہ اوہنوں کیس طرحاں دی مدد دی لوڑ اے تے فیر مدد کرن لئی تیار رہوو۔ جدوں تُسی اوہدے لئی پیار وکھاؤ گے تے ہو سکدا اے کہ اوہ گل سُنن لئی تیار ہو جائے۔‏