گل بات شروع کرنا
سبق نمبر 4
خاکسار بنو
اصول: خاکسار بنو تے دُوجیاں نُوں اپنے توں وڈا سمجھو۔—فِلپّیوں 2:3۔
پولُس دی مثال
1. ویڈیو ویکھو یاں اعمال 26:2، 3 نُوں پڑھو۔ فیر ایہناں سوالاں تے غور کرو:
(الف) پولُس نے بادشاہ اگرِپا نال گل کردے ویلے خاکساری کیویں وکھائی؟
(ب) پولُس نے اپنی بجائے یہوواہ تے پاک کلام اُتے دھیان کیویں دَوایا؟—اعمال 26:22 نُوں ویکھو۔
اَسی پولُس دی مثال توں کیہہ سکھنے آں؟
2. جے اَسی خاکساری تے عزت نال گل کراں گے تے ساڈا پیغام لوکاں دے دلاں نُوں چُھو سکدا اے۔
پولُس دی مثال تے عمل کرو
3. دُوجیاں نُوں اپنے توں گھٹ نہ سمجھو۔ ایس طرحاں نہ بولو کہ توانوں ای سارا کجھ پتہ اے تے دُوجیاں نُوں ککھ نئیں آندا۔ ہمیشاں عزت نال گل کرو۔
4. دُوجیاں تے واضح کرو کہ تواڈی گل بات دی بنیاد خدا دا کلام اے۔ خدا دے کلام دِیاں سچائیاں لوکاں دے دلاں نُوں چُھو لیندیاں نیں۔ جدوں اَسی ایہنوں استمال کراں گے تے اَسی اوہناں دے ایمان دی صحی بنیاد پانواں گے۔
5. بحث چ نہ پووو۔ دُوجیاں تے اپنی گل تھوپن دی کوشش نہ کرو۔بحث نہ کرو۔ غصے چ آن دی بجائے خاکساری وکھاؤ تے گل ودھن توں پہلاں اوتھوں چلے جاؤ۔ (امثال 17:14؛ طِطُس 3:2) جے تُسی نرمی نال پیش آؤ گے تے شاید آیندہ گل بات کرن دی راہ کُھلی رہوے۔