Melkahka kan

Koulen Kohkohdalahng ni Kahnimwo. En Solomon melkahka.

127 Ma Siohwa sohte ketin kauwada ihmwo,

Doadoahk laud en sounkou ihmw kan sohte pahn katepe.+

Ma Siohwa sohte kin ketin sinsile kahnimwo,+

Sohte katepen silepe kan ar pepehd.

2 Sohte katepen amwail kin sangkenei pirida,

Amwail kin pwand en meirla nipwong,

Oh amwail kin doadoahk laud en koadoahkihada kenomwail kisin tungoal,

Pwehki e kin ketin apwalih irail kan me e ketin poakohng oh ketin wiahiong ren meir mwahu.+

3 Kilang! Seri* kan wia sohso ehu sang rehn Siohwa;+

Wahn kapehd iei kisakis ehu sang rehn Koht.+

4 Pwutak kan me ohl emen nainekidahr ni eh pwulopwul,

Rasehng arep kei nan pehn ohl kehlail men.+

5 Meid peren ohl emen me audehkihda eh kopwoun arep irail pwukat.+

Re sohte pahn namenekla,

Pwe irail pahn koasoiong imwintihti kan ni ewen kelen kahnimwo.