Melkahka kan
Koulen Kohkohdalahng ni Kahnimwo.
126 Ni ahnsou me Siohwa ketin kasapahldo aramas en Saion kan me selidi,+
Likamwete kitail ouiouraman.
2 Ni ahnsowo kitail kokouruhr
Oh weriwerki atail peren.+
Ni ahnsowo aramas en wehi teikan kin ndapene:
“Siohwa ketin wiadahr soahng laud kan ong irail.”+
3 Siohwa ketin wiadahr soahng laud kan ong kitail,+
Oh kitail uhdahn perenda.
4 Maing Siohwa, komw ketin kasapahldo kiht me selidi kan,
Duwehte piletik kan nan Nekep.*
5 Irail akan me wie sengiseng nindoken ar kamwarak werentuhke
Pahn weriwerki peren ni ar wie dondol.