Eklesiasdes
3 Mie ahnsou me konehng ong soahng koaros,
Ahnsou ong mwekid koaros me kin wiawi nin sampah:
2 Ahnsoun ipwidi oh ahnsoun mehla;
Ahnsoun padokedi oh ahnsoun usada dahme poadidi;
3 Ahnsoun kemehla oh ahnsoun kamwahwihala;
Ahnsoun karangkehdi oh ahnsoun kauwada;
4 Ahnsoun sengiseng oh ahnsoun kouruhr;
Ahnsoun mwahiei oh ahnsoun kahlek;*
5 Ahnsoun kesehla takai kan oh ahnsoun rikpene takai kan;
Ahnsoun pwoalehdi oh ahnsoun sohte pwoalehdi;
6 Ahnsoun rapahki oh ahnsoun uhdihsang rapahki dahme salongalahr;
Ahnsoun kolokol oh ahnsoun kesehla;
7 Ahnsoun tehrpeseng+ oh ahnsoun dehkpene;
Ahnsoun nennenla+ oh ahnsoun koasoi;+
8 Ahnsoun limpoak oh ahnsoun kailok;+
Ahnsoun mahwen oh ahnsoun popohl.
9 Dahme tohndoadoahk men kin alehdi nan eh nannanti koaros?+ 10 I kilangehr doadoahk me Koht ketikihong aramas akan pwe ren kin soupisengki. 11 E ketin wiahda soahng koaros en kaselel* ni ahnsou me konehng.+ E pil ketikihong aramas akan ineng en mour kohkohlahte;* ahpw aramas akan sohte mwahn pahn esehda doadoahk kan me Koht mehlelo ketin wiahda sang nin tapi lel ni imwi.
12 I esedahr me sohte mehkot mwahusang irail en pereperen oh wia me mwahu erein ar momour,+ 13 oh pil aramas koaros en mwenge oh nim oh nsenamwahuki ar doadoahk laud koaros. Met iei sapwellimen Koht kisakis.+
14 I esedahr me soahng koaros me Koht mehlelo ketin wiahda pahn mihmi kohkohlahte. Sohte mehkot me aramas kak kapatahiong de kihsang. Koht mehlelo ketin wiadahr ni mwohmw wet, pwe aramas akan pahn lemmwiki ih.+
15 Dahme kin wiawi wiawiher, oh dahme pahn mie miehier;+ ahpw Koht mehlelo kin ketin rapahki dahme aramas akan kin pwakipwakih.*
16 I pil kilangehr met nin sampah:* Mie suwed nan wasahn pwung pahrek, oh mie suwed nan wasahn pwung.+ 17 Ngehi eri nda nan ei mohngiong: “Koht mehlelo pahn ketin kadeikada me pwung oh pil me suwed,+ pwe mie ahnsou ong soangen wiewia koaros oh mwekid koaros.”
18 I pil nda nan ei mohngiong duwen aramas akan: “Koht mehlelo pahn ketin kasonge irail oh ketin kasalehong irail me re duwehte mahn akan.” 19 Pwe mie imwilahn aramas akan oh imwilahn mahn akan; irail koaros kin imwilateieu.+ Duwehte emen eh kin mehla, mehteio pil kin mehla; oh irail koaros ahneki kehl en mour* tehieu.+ Eri aramas akan sohte siksang mahn akan, pwe mehkoaros sohte katepe. 20 Irail koaros pahn kolahng wasatehkis.+ Irail koaros kohsang pwehl,+ oh irail koaros pahn pwuralahng pwehl.+ 21 Ihs me uhdahn ese ma kehl en mour en aramas kin kohdahla powe, oh ma kehl en mour* en mahn akan kin kohdihla pahn pwehl?+ 22 Oh I kilangada me sohte mehkot mwahusang aramas emen en nsenamwahuki eh doadoahk,+ pwehki met iei ketingpe;* pwe ihs me kak wiahiong ih en kilang dahme pahn wiawi mwurin eh sohla mie?+