LECCION 03
¿Bibliapica confie pudinchichu?
Bibliapica shamuc funllacunapi ima tucugrishcata, achca consejocunatashimi tarinchi. ¿Nachu quiquinshi Biblia ima nishcata yachana munita charishcangui? Pero ciertochu can nishachari tapuringui. ¿Ñaupa libropi tiyishca consejocunapi, tuqui ima nishcacunapishi confie pudinchichu? Bibliapica cunun funllacunapi, shamuc funllacunapishi contentomi causi pudinchi nin. Chica ¿ciertochu can? Achca guaranga guaranga gentecunaca ciertomi can nincunami. Paicuna imamunda shina nishcata rricuchunmi animanchi. Shinami cierto o na cierto queshcata rricungui.
1. Bibliapi nishcaca ¿ciertochu can?
Bibliapi nishcacunaca “imapishi na pandarishalla” tuquitami na llulleshalla la verdadta nin (Eclesiastés 12:10). Bibliapica ñaupa funllacunapi ima tucushcata, chi funllacunapi picunalla causashcatashimi parrlan (Lucas 1:3; 3:1, 2ta liyi). Achca yachaccuna, investigadorcunaca Bibliapi nishcacuna cierto queshcata, ima fecha pasashcata, maipi ima tucushcatami rricushcacuna.
2. Ñaupa libro cacpishi ¿imamundati Bibliapica confie pudinchi?
Biblia ñaupa libro queshashi guaquin cosascunataca achca guatacuna ñaupuitimi ña güillarca. Por ejemplo, Bibliaca cienciamundami parrlan. Bibliata nari escribicllapitimi cienciamundaca guaquin yuyicunaca ña tiyarca. Pero cunun funllacuna cienciaguan Bibliata rricucpica, Bibliaca ciertotami nishca. Biblia nishcacunapica “cununshi, para siempreshimi confie pudinchi” (Salmo 111:8).
3. Biblia shamuc funllacunapi ima tucunamunda parrlashcapica ¿crinachu canchi?
Bibliaca nari factarishca cosascunamundashimi parrlan (Isaías 46:10). Nari factaricllapitimi achca guatacuna ñaupullati ima tucunata ña güillarca. Shinaiti cunun funllacunapi tuqui ima pasacushcatami güillan. Cai leccionpica Bibliapi tiyishca guaquin profeciacunatamia rricugrinchi. Shinami Bibliapi nishca imashina tuqui factarishcata rricushun.
CAIMUNDA MAS YACHASHUN
Cientificocuna tarishcacunaguan, Bibliaguan imashina igualacta rricushun. Shinaiti guaquin profeciacunamunda Bibliapi rricushun.
4. Biblia cierto nishcatami cientificocunaca rricushca
Ñaupa tiempocunapica, gentecunaca cai Allpaca imapishi tiyacuctami crircacuna. VIDEOTA rricuichi.
Job libro ima nishcata rricui. Cai libroca 3.500 guatacuna guashamumi escribirirca. Job 26:7ta liyichi. Jipaca cai tapuimunda parrlichi:
Bibliapica Allpaca nimapi na guarcushcachu can ninmi. Caita yachanaca ¿imamundati alli can?
200 guatacuna guashallamumi yacuguan ima tucuctaca yachemu callarircacuna. Pero achca guatacuna guashamu Biblia yacumunda ima nishcata rricushun. Job 36:27, 28ta liyichi. Jipaca cai tapuicunamunda parrlichi:
Yacumunda parrlashcamundaca ¿imatati mas munarcangui?
Bibliapi recienlla liyishca versocunaca ¿Bibliapi mas confiachunchu ayudan?
5. Bibliaca ima tucunatami ña güillarca
Isaías 44:27-45:2cama liyichi. Jipaca cai tapuimunda parrlichi:
Babilonia llactaguan ima tucugrishcataca 200 guatacuna faltacllapitimi ña güillarca. Bibliaca Babiloniamundaca ¿imacunallatati nirca?
Jesus nari shamucllapiti, 539 guatapimi Persia llactamunda Ciro reyca, paipu soldadocunandi Babilonia llactata duñuyarcacuna. Babilonia llactamu yaicungapuca primeroca chipi tiyishca yacutami chaquichircacuna. Jipaca Babilonia pungucuna pasqueshca saquirishcamundami na pelieshalla Babilonia llactata duñuyarcacuna. Babilonia llactata duñuyashcamundaca ñami 2.500 guatacuna pasashca. Babiloniaca cunun funllacamami shitashca pamba can. Caimunda Biblia ima nishcata rricui.
Isaías 13:19, 20ta liyichi. Jipaca cai tapuimunda parrlichi:
Cai profeciaca ¿imashinati factarirca?
Irak llactapi, Babilonia imashina saquirishca pushtu
6. Bibliaca cunun funllacunapi ima tucucushcatami güillan
Bibliaca “tucuri funllacunapimi” causacunchi nin (2 Timoteo 3:1). Cunun funllacunamunda ima nishcata rricushun.
Mateo 24:6, 7ta liyichi. Jipaca cai tapuimunda parrlichi:
Tucuri funllacunamundaca Bibliaca ¿imatati nirca?
2 Timoteo 3:1-5cama liyichi. Jipaca cai tapuicunamunda parrlichi:
Bibliapi nishca shinaca, tucuri funllacunapica ¿imalaya gentecunati tiyana carca?
Bibliapi nishca shinaca, quiquinca ¿imalaya gentecunatati rricushcangui?
GUAQUINCUNACA CAITAMI NIN: “Bibliaca ñaupa, yanga parrlocunallami can”.
Bibliapi confiachunca quiquintaca ¿imati mas ayudan?
CAITAMI YACHASHCANCHI
Ciencia ima nicta rricusha, ñaupa tiempopi imashina factaricta rricusha, profeciacunata rricushami, Bibliapi mas confiashcanchi.
Yuyarishun
¿Bibliaca yanga parrlocunata o cierto cosascunatachu nin?
Cientificocunaca Bibliapi cierto queshcataca ¿imashinati rricuchishcacuna?
¿Shamuc funllacunapi ima tucunataca Bibliaca güillanchu? ¿Imamundati shina yuyangui?
MAS YACHANGAPU
Cientificocuna investigueshcaguanca, Bibliaca ¿ciertotachu nin?
“Cientificocuna investigueshcaguanca, Bibliaca ¿imatati nin?” (jw.org paginamunda informacion)
¿Imamundati “tucuri funllacunapi” causacunchi ninchi?
“Sucta profeciacunami cai rrato factaricun” (La Atalaya, 1 de mayo de 2011)
Imperio griegomunda parrlac profeciacuna imashina factarishcata rricui.
Bibliapi profeciacunata rricusha, imashina shuc jari cambiashcata rricui.
a Profeciacunaca nari factaricllapiti Taita Dios ña güillashca cosascunami can.