¿Imaynatá kay folletowan yanapachikuwaj?

Kay folletopeqa tiyan sapa pʼunchaypaj Bibliamanta uj texto, sutʼinchaynintin. Chaykunataqa ima ratopis leerillawaj. Ashkha hermanostajrí tutamanta leerispa reparanku astawan yanapachikusqankuta. Paykunaqa tutamanta leeykurispa, diantinta tʼukuriyta atinku. Familiaspis khuska ukhuncharispaqa astawan yanapachikullankutaj. Betel wasispi yanapakojkunapis tutamanta ukhunchariyta yachanku.

Sutʼinchaykunasnenqa Torremanta Qhawaj (w) revistamanta orqhokun, 2015 abril killamanta, 2016 marzo killakama. Ñaupajtaqa rikhurin Torremanta Qhawaj revista ima fechamantachus kasqanta. Qhepanpi numerotaj rikuchin (1, 2, 3, 4, 5), mayqen yachaqananmantachus kasqanta. Chantá churasqa kashan ima parrafospichus tarikusqanta (kay uranpi dibujota qhawariy). Astawan yacharikuyta munaspaqa, ima yachaqanamantachus orqhokusqanta qhawariy. Chay yachaqana maypichus qallarisqanta yachanapajtaj, chay revistaj tapanta chayri iskay kaj paginanta qhawariy.