Tantakuna wasista ruway, allinchaytaj may sumaj

Israelitasqa Israelpi templota ruwakunanpaj mayta kallpachakorqanku, qolqeta churaspataj yanapakorqanku (1Cr 29:2-9; 2Cr 6:7, 8). Chantapis israelitasqa templota allinchaspa yanapakusqankoqa, Diosta yupaychasqankutachus manachus rikucherqa (2Re 22:3-6; 2Cr 28:24; 29:3). Kay tiempopipis cristianosqa, Tantakuna Wasista, Jatun Tantakuna Wasista ruwanapaj, llimphuchanapaj, allinchanapajtaj tiempochakunchej, kallpachakunchej ima. Chayta ruwaspaqa Diosta yupaychanchej. Chay jinamanta yanapakoyqa may sumajpuni (Sl 127:1; Ap 7:15).

¿IMAYNATÁ YANAPAKUSUNMAN?

• 

  Sapa tantakuy tukukusqantawan llimphuta saqena. Tiyakorqanchej chaypitaj ni imata saqenachu.

• 

  Tantakuna Wasita llimphuchakunanta, allinchakunantataj nikojtin yanapakunapuni. Tukuyninchej yanapakojtinchejqa usqhayllata ruwanchej, kusisqataj (lv pág. 93 párr. 18).

• 

  Qolqenchejmanta churasunman. Jehovaqa mayta kusikun ‘iskay phatatallatapis’ tukuy sonqo qojtinchejqa (Mr 12:41-44).

• 

  Atispaqa tantakuna wasista ruwaypi, allinchaypi ima yanapakusunman. Chaypi yanapakunapajqa mana sumajtapunichu yachananchej tiyan.