Cristiano Kausayninchej tantakuypaj referencias
3-9 DE ABRIL
BIBLIAMANTA SUMAJ YACHACHIYKUNA | JEREMÍAS 17-21
“Yuyayniykita, kausayniykita ima Jehová cheqanchananta saqey”
(Jeremías 18:1-4) Este versículo está unido al siguiente. 2 Tata Diosqa Jeremiasman parlaspa, nerqa: Uraykʼuy mankata ruwajpa wasinman, chaypitaj nisqasniyta uyarichisqayki, nispa. 3 Chantá noqa Jeremías rispa, manka llutʼa runata tornopi mankata ruwashajta rikorqani. 4 Imatachus ruwasharqa, chay mana allinchu llojsejtenqa, chay kikin tʼurullamantataj wajtañataj ruwaj churakorqa, munasqanman jina llojsinankama.
w99-S 1/4 pág. 22 párr. 3
¿Pejpa munasqanman jinataj yuyashanchej?
Jehová Diosqa profeta Jeremiasta manka llutʼajpa wasinman kacharqa. Chaypitaj rikucherqa paypa sumaj kamachisnin kanapaj, paypa makisninman churakuna kasqanta, chantapis tukuy sonqo kasukuna kasqanta. Jeremiasqa rikorqa manka llutʼajpa ruwasqan “mana allinchu llojsejtenqa, chay kikin tʼurullamantataj wajtañataj ruwaj” churakusqanta. Chantá Jehová Diosqa nerqa: “Manachu noqapis qankuna israelitaswan ruwayta atini, imaynatachus manka llutʼa runaqa tʼuruwan ruwarqa, ajinata? Qankunaqa makiypi kankichej chay manka ruwajpa makimpi tʼuru jina”, nispa (Jeremías 18:1-6). Chayqa, ¿ninayanchu Jehová Dios, israelitasta munajta mana munajta imatapis ruwachisqanta, tʼuruta jinallataj qhawasqanta?
(Jeremías 18:5-10) Este versículo está unido al siguiente. 6 Chantá Tata Dios niwarqa: Manachu noqapis qankuna israelitaswan ruwayta atini, imaynatachus manka llutʼa runaqa tʼuruwan ruwarqa, ajinata? Qankunaqa makiypi kankichej chay manka ruwajpa makimpi tʼuru jina, nispa nin Tata Diosqa. 7 Ima ratollapis munaspaqa atiyman tʼirayta, urmachiyta, chayri phiriyta ima naciontapis, ima reinotapis. 8 Chantá sichus chay nación sajramanta tʼaqakun chayqa, chay apachimunay karqa, chay jasutʼita manaña apachimusajchu. 9 Ichapis waj ratopi niyman chay nacionta wiñachinayta, chayri sayarichinayta. 10 Sichus chay nación sajrata ruwaspa, kamachisqasniyta mana kasun chayqa, ima allinkunatachus paypaj wakichiporqani, chaytaqa manaña apachimusajchu.
it-1-S pág. 215 párr. 1
Pesachikuy
Manka llutʼajqa imatachus “ruwasharqa, chay mana allinchu llojsejtenqa, chay kikin tʼurullamantataj wajtañataj” ruwayta atin (Jer 18:3, 4). ¿Imatataj chaywan Jehová Dios rikuchiyta munarqa? ¿Manka llutʼaj jinachu imata ruwaspapis pantaykun? Mana. Astawanpis payqa rikuchisharqa, runaswan munasqanta ruwananpaj atiyniyoj kasqanta. Payqa runas kasukojtinku, khuyakuyta atin, mana kasukojtinkutaj, mana (Isa 45:9; Ro 9:19-21 kikinchay). Diosqa runas sajra ruwasqankumanta ‘tʼaqakojtinku, apachinan karqa, chay jasutʼita manaña apachinchu’. Chay runas mana kasukunku chaytaj, ‘ima allinkunatachus paykunapaj wakichiporqa, chaytaqa manaña apachimunchu’ (Jer 18:5-10). Sumaj Manka Llutʼaj Jehová Diosqa mana imata ruwasqanpipis pantanchu. Astawanpis runaspa sonqonkupi imachus kasqanman jina, Jehová Diosqa paykunamanta khuyakun chayri imatachus paykunapaj ruwayta munasqanta manaña ruwanchu.
(Jeremías 18:11) Niy ari Judá aylloj runasninman, jinataj Jerusalenpi tiyakojkunaman, noqa Tata Diosmin kayta paykunaman nishasqayta: Noqa wakichishani qankunaj contraykichejpi uj jatun ñakʼariyta qankunata castiganaypaj. Chayrayku kutirikuychej sajra ñanniykichejmanta; kawsayniykichejta, ruwasqasniykichejtapis allinyachiychej, nispa.
w99-S 1/4 pág. 22 párrs. 4, 5
¿Pejpa munasqanman jinataj yuyashanchej?
Jehová Diosqa tukuy atiyniyoj, manataj pitapis tanqanchu munayninta ruwananpaj. Manka llutʼaj runaqa, ichapis pantaykunman uj mankata ruwashaspa. Jinapis Jehová Diosqa ni jaykʼaj pantanchu (Deuteronomio 32:4). Uj runa Jehová Dioswan mana cheqanchachikuyta munanchu chayqa, mana allinchu payta rin. Chaypajtaj mana Jehová Dioschu juchayoj. Tʼurumanta nisqa, noqanchejqa imatachus ruwananchejta ajllayta atinchej. Chayrayku noqanchejmanta kashan, Jehová Dios cheqanchanawanchejta saqenanchej chayri mana saqenanchej.
“Noqataqa ni pi ninawanchu tiyan imatachus ruwanayta” ninamantaqa, aswan allin Jehová Diosta kasukunanchej. Tukuyninchej necesitanchej Jehová Dios yuyaychanawanchejta (Juan 17:3). David jina ruwana. Payqa Jehová Diosman nerqa: “Ñankunaykita rikuchiway, Tata Dios, purinasniykinejta pusaway”, nispa (Salmo 25:4). Rey Salomonpa nisqantapis ama qonqanachu. Pay nerqa: “Yachayniyojqa uyarispa, aswan yachayniyoj kanqa”, nispa (Proverbios 1:5, 6). ¿Jehová Diosta uyarisunchu? Kasukusun chayqa, ‘tanteyayqa allinta qhawawasun, sumaj yachayniyoj kaypis waqaychawasun’ (Proverbios 2:11).
Sumaj yachachiykunata maskʼana
(Jeremías 17:9) Tukuy imamanta nisqaqa runaj sonqonmin aswan chʼawka, nitaj chaypaj jampi kanchu. Pitaj chayta entiendeyta atinmanri?
w01-S 15/10 pág. 25 párr. 13
Sonqonchejta waqaychana
13 Jeremías nerqa: “Tukuy imamanta nisqaqa runaj sonqonmin aswan chʼawka, nitaj chaypaj jampi kanchu”, nispa (Jeremías 17:9). Sonqonchejwan chʼaukiyachikushanchej kay imasta ruwaspa: pantaykusqanchejta mana reparakuyta munaspa, aswan allin runa kanapaj mana kallpachakuspa, mana allin costumbresninchejta mana saqespa, imatapis ruwasqanchejmanta jatunchakuspa ima. Sonqonwan chʼaukiyachikoj runaqa puraj uyaman tukunman. Ichapis siminwan imatapis ninman, sonqonpitajrí wajta yuyashanman (Salmo 12:2; Proverbios 23:7). Chayrayku may allinpuni imachus sonqonchejpi kasqanta qhawarikunanchej.
(Jeremías 20:7) Tata Dios, qan chʼawkiyawarqanki, noqataj chʼawkiyachikullarqayki; qan may kallpayoj kaspa, atipawarqanki. Pʼunchaynintin asipayakuwanku, tukuytaj noqamanta alqochakuwanku.
w07-S 15/3 pág. 9 párr. 6
Jeremías libromanta wakin allin yachachiykuna
20:7 ¿Imaynatá Jehová Dios ‘kallpanwan’ Jeremiasta chʼaukiyarqa? Jeremiastaqa Jehovaj kamachisqanta juntʼasqanrayku asipayarqanku, qhatiykacharqanku, nitaj willasqantapis uyarerqankuchu. Chayrayku payqa Diospa nisqasninta willananpaj manaña kallpayoj kasqanta yuyarqa. Jinapis Jehová Dios payta kallpacharqa, imaraykuchus yacharqa llakisqa kashasqanta. Jehová Diosqa Jeremiaspa sonqonta kuyuricherqa, nisqanta ruwachinanpaj. Ajinamanta payta ‘chʼaukiyarqa’.
Bibliata leenapaj
(Jeremías 21:3-14) Chantá Tata Diosqa Jeremiasman parlarqa, Jeremiastaj Sedequiaspa kachasqasninman kuticherqa: Niychej Sedequiasman: 4 Israelpa Diosnin Tata Diosqa kayta nisunkichej: Noqaqa soldadosniykichejpa armasninkuta qhepaman kutirichisaj, mayqenkunawanchus perqaykichej jawapi muyuykusqa kashanku, chay babiloniospa, jinataj caldeospa contrankuta maqanakuyta munankichej, chaykunata. Chay enemigosniykichejtataj kay llajta chawpipi tantaykusaj. 5 Noqamin qankunaj contraykichejpi maqanakusaj tukuy atiyniywan, kallpaywan, may sinchʼi kʼajaj phiñakuyniywan ima. 6 Wañuchisaj kay llajtapi tukuy tiyakojkunata, runasta, chantá uywastapis; uj millay wañuchej onqoywan tukuyninkuta wañurachisaj. 7 Chay qhepamantaj Nabucodonosorpa makinman, waj wañuchejkunaj makisninkumanwan jaywaykusaj Judamanta rey Sedequiasta, kamachisninta, chantá pikunachus wañuchej onqoykunamanta, wañuchinaku maqanakumanta, yarqhaymanta llajtapi puchojkunata ima. Kay Nabucodonosorqa paykunata espadanwan wañuchenqa mana paykunamanta khuyakuspa nitaj sonqonta nanachikuspa. Noqa Tata Diosmin chaytaqa nini. 8 Runasmampis willallaytaj: Tata Diosqa kayta nin: Noqaqa ñawpaqeykichejman churani kawsay ñanta, wañuy ñantawan. 9 Pichus kay llajtapi qhepakojqa wañuchinaku maqanakupi, yarqhaywan, chayri wañuchej onqoywan wañuchisqa kanqa; pitajchus llajtamanta llojsispa caldeoswan japʼichikonqa, chayqa mana wañonqachu, kawsaynillantapis payqa salvanqapuni. 10 Noqa niniña kay llajtaman sajra kajta apachimunayta, manataj allin kajtachu. Babiloniamanta reyman kay llajtata jaywaykusaj, paytaj ninata japʼiykuchispa, kay llajtata qʼolaykuchenqa. Noqa Tata Diosmin chayta nini. 11 Judamanta reypa ayllunman, rey Davidpa mirayninman, kay noqaj nisqayta nillaytaj: 12 Tata Diospa nisqanta uyariychej: Tukuy pʼunchaykunapi justiciata ruway; ñakʼarichisqa kajkunata kacharichiy runaj yawarninta chʼonqaspa kawsajkunamanta. Pajtataj chay millay ruwasqasniykirayku phiñakuyniy nina jina japʼiykukunman, manataj pipis thasnuyta atishanmanchu. 13 Jerusalén llajta, mayqenchus pampapi chhanka jina kay vallepi kashanki, chay, noqa Tata Dios contraykipi kashani. Qankunari ninkichej: Pitaj maqanakoj yaykuykamuwasunmanri? Pitaj pakakunanchejkama chayamunmanri? nispa. 14 Noqamin castigasqaykichej ruwasqasniykichejman jina. Ninata japʼiykuchisaj sachʼasniykichejman, chay ninataj tukuy muyuyniykichejpi kajta ruphaykonqa. Noqa Tata Diosmin chayta nini.
10-16 DE ABRIL
BIBLIAMANTA SUMAJ YACHACHIYKUNA | JEREMÍAS 22-24
“Jehovata rejsinaykipaj, ¿sonqoyki aysakunchu?”
(Jeremías 24:1-3) Babiloniaj reynin Nabucodonosorqa Joacimpa churin, Judamanta rey Jeconiasta, Judamanta kurajkunatawan khuska, chantá artesanostawan, herrerostawan ima waj nacionman presosta apacherqa. Chaymanta qhepata Tata Diosqa rikuchiwarqa iskay canastasta higosniyojta, Diospa Templompa ñawpaqempi churasqasta. 2 Ujnin canastaqa sumaj poqosqa higosniyoj karqa, ñawpajta poqojkunamanta. Chay Ujninrí mana allin poqosqa higosniyoj karqa, may millay mana mikhunapaj jinachu. 3 Chantá Tata Dios tapuwarqa: Jeremías, imatataj rikunkiri? nispa. Noqataj nerqani: Higosta rikuni. Chay sumaj poqosqa kajkunaqa may sumachajpuni kanku, chay mana walej kajkunarí mana mikhunapaj jinachu kanku, nispa.
Jehovata rejsinaykipaj, ¿sonqoyki aysakunchu?
2 Jehovaqa uj kutipi higosta sonqotawan kikincharqa. Diosqa mana higos sumaj alimento kasqanmantachu parlasharqa, manaqa imayna sonqoyojchus kasqanchejmanta. Profeta Jeremiasnejta imatachus nisqanqa noqanchejta yanapawasunman, familianchejtapis. Diospa nisqanta ukhunchashaspaqa imatachus cristianos chaymanta yachakusqanchejpi tʼukurina.
(Jeremías 24:4-7) Este versículo está unido al siguiente. 5 Chantá Tata Dios parlawaspa, niwarqa: Noqa Israelpa Señornin Tata Dios kayta nini: Chay sumachaj poqosqa higosta jina Judá ayllutaqa allimpaj qhawasaj, mayqenkunatachus kaymanta caldeospa jallpʼankuman presos apachisqasniyta. 6 Paykunataqa waqaychasaj, kay jallpʼamantaj kutichimusaj. Kaypajqa paykunata allinta sayachisaj, manañataj urmachisajchu; paykunata plantaykusaj, manañataj jaykʼajpis paykunata tʼirasajchu. 7 Allin sonqota paykunaman qosaj, noqa Tata Dios kasqayta rejsinawankupaj. Paykunaqa aylluy kanqanku, noqataj paykunaj Diosninku kasaj, imaraykuchus tukuy sonqowan kutimpuwanqanku.
Jehovata rejsinaykipaj, ¿sonqoyki aysakunchu?
4 Jehovaqa sumaj poqosqa higoswan ninakoj runasmanta nerqa: “Allin sonqota paykunaman qosaj, noqa Tata Dios kasqayta rejsinawankupaj. Paykunaqa aylluy kanqanku”, nispa (Jer. 24:7). Chayta nisqanqa mayta kallpachawanchej, imajtinchus Diosqa payta rejsinanchejpaj allin sonqota qoyta munawanchej. Ajinamanta Diosta rejsinapaj, llajtanmanta kayta munanapaj ima sonqonchej aysakonqa. Chaypajtaj Bibliata ukhunchana, nisqanta kasukuna, juchasninchejmanta pesachikuna, kutirikuna, Diosman qokuna, chantá Diospa sutinpi, Churej sutinpi, espíritu santoj sutinpi ima bautizakuna (Mat. 28:19, 20; Hech. 3:19, 20). Wakenqa chayta ruwankuña, wakintaj ruwashanku, tantakuykunamanpis rinku.
(Jeremías 24:8-10) Judamanta rey Sedequiasta, kurajkunanta, Jerusalenpi qhepakojkunata, chay waj tiyakojkunata, Egiptoman tiyakoj rejkunata ima, chay mikhunapaj mana allinchu kaj higosta jina qhawasaj. 9 Paykunata mancharikunapaj jina ruwasaj tukuy kay pachapi kaj nacionespa ñawpaqenkupi, pʼenqakunankupaj jina, cuentakunankupaj jina, asikunankupaj jina, maldición kanankupaj jina, maymanchus paykunata presosta apachisaj, chay nacionespi. 10 Paykunaman wañuchinaku maqanakuta, yarqhayta, wañuchej onqoytapis apachimusaj, ni uj puchuyoj kay jallpʼapi tukukunankukama, mayqentachus paykunaman, chantá ñawpa tatasninkumampis qorqani, chaypi.
Jehovata rejsinaykipaj, ¿sonqoyki aysakunchu?
3 Ñaupajtaqa Dios imatachus Jeremiasman nisqanta qhawarina. Judapi tiyakoj runasqa Jesús niraj jamushajtin 617 watapi, Jehová chejnisqan imasta ruwasharqanku. Diosqa mosqoypi jina Jeremiasman rikucherqa aswan qhepaman imachus paykunawan kananta. Chaytataj iskay laya higoswan kikincharqa: “sumaj poqosqa” higoswan, “mana allin poqosqa” higoswan ima (Jeremías 24:1-3 leey). Mana allin poqosqa higosqa rey Sedequiaswan, payman rijchʼakoj runaswan ima ninakorqa, pikunatachus Nabucodonosor, soldadosninwan ñakʼarichinkuman karqa. Chaywanpis, wakin runasqa sumaj poqosqa higos jina karqanku. Chaykunamantataj Ezequiel, Daniel, kinsa compañerosnin ima karqanku, pikunachus Babiloniapiña kasharqanku. Tiempowanqa wakin judíos templota allinchanankupaj Jerusalenman kutipunkuman karqa. Chaytaj juntʼakorqapuni (Jer. 24:8-10; 25:11, 12; 29:10).
Sumaj yachachiykunata maskʼana
(Jeremías 22:30) Tata Diosqa nin: Kay runaj sutinta libroman qhelqaychej: Kayqa mana wawasniyoj runa karqa, kawsaynimpitaj mana imapis allin rej, imaraykuchus ni pipis mirayninmanta kaj, Davidpa kamachina tiyanampeqa tiyaykonqachu Judapi watejmanta kamachinampaj.
w07-S 15/3 pág. 10 párr. 9
Jeremías libromanta wakin allin yachachiykuna
22:30 ¿Imaraykutaj kay kamachiy mana pʼakerqachu Davidpa kamachina tiyananpi Jesús tiyaykunanta? (Mateo 1:1, 11) Imaraykuchus kay kamacheyqa niyta munan, Joacimpa mirayninmanta kajkuna niña Judapi watejmanta kamachinankuta. Ajinamanta paykunaqa niña Davidpa kamachinan tiyananpi tiyaykunkumanchu karqa. Jinapis Jesusqa mana Judamantachu kamachimonqa, manachayqa cielomantapacha. Payqa Davidpa.
(Jeremías 22:13, 14) Ay qanmanta, pichus sajra ruwasqasniykiwan, mana cheqan ruwasqasniykiwan oqharerqanki kamachinayki wasita, jatuchaj wasisniykita ima, qanmanta. Llajta masisniykita mana jornalninkuta pagaspalla, qhasimanta trabajacherqanki. 14 Qanqa ninki: Uj jatun kamachina wasita ruwachikusaj, altos patapi jatuchaj cuartosniyojta, nispa. Jatuchaj ventanasta kicharinki; perqasnintapis cedrowan kʼaskaykuchispa, pukata pintaykunki.
“Chaypi yachakun noqata rejsiwasqanqa”
Joacimqa, uj jatun kamachina wasita ruwachisharqa. Chay waseqa, iskay pisoyoj, jatuchaj cuartosniyoj, intitaj wayrataj yaykunanpaj jina jatuchaj ventanasniyoj ima kanan karqa. Rey, familian ima, allinta tiyakunankupaj. Reyqa, chay wasej perqasninta Libanomanta qʼaparishaj cedrowan kʼaskaykuchispa, karumanta apamusqa puka pinturawan pintaykuchiyta munarqa. Jinatataj, qhapaj runaslla waj suyuspi pintachej kanku (Jer. 22:13, 14).
2 Chay wasita ruwacheyqa, ashkha qolqepaj karqa. Mana chayllachu, suyuta jarkʼanapaj qolqeta churasqankurayku, Egiptoman impuestota pagasqankurayku ima, llajtaqa mana qolqeyoj kasharqa (2 Rey. 23:33-35). Chaywanpis Joacimqa, jatun kamachina wasinta ruwachiyta munasqanrayku, llajtamasisninta jornalninkuta mana pagaspalla qhasimanta llankʼacherqa.
Bibliata leenapaj
(Jeremías 23:25-36) Noqa uyarini chay profetaspa llullakusqankuta, pischus sutiypi parlayta munanku, chaykunajpata. Paykuna ninku: Mosqokuni, mosqokuni, nispa. 26 Maykʼajkamataj chay llullakuylla kanqa chay llulla profetaspa sonqonkupi, pikunachus yuyayninkuman jinalla imatapis sutʼinchanku, chaykunajpapi? 27 Chay mosqokusqasninkumanta willanakusqasninkuwan aylluyta noqamanta qonqachiyta munanku, imaynatachus ñawpa tatasninkupis qonqarpariwarqanku, Baalpa qhepantataj riporqanku, ajinata. 28 Sichus uj profetajta uj mosqokuynin tiyan chayqa, willachun imatachus mosqokuynimpi rikusqanta. Pichus nisqaytapuni japʼejrí, chayta maychus kajta willarachun. Trigowan, pajawan mana ujllachu kanku. 29 Nisqasneyqa nina jinamin, rumista tʼunaj combo jinataj, nispa nin Tata Diosqa. 30 Chay profetasqa palabrasniyta ujkuna ujkunamanta suwanakunku. Chayrayku noqaqa contrankupi kashani, nispa nin Tata Diosqa. 31 Chay profetaspa contrankupi oqharikuni, pikunachus yuyayninkumanta imatapis orqhokuspa noqaj nisqaypis kanman jina parlanku, chaykunajpata. 32 Paykunaqa llulla imasta mosqokuspa, chayta aylluyman sutʼinchanku; ajinamanta aylluytaqa pantachinku. Mana noqaqa paykunata kachamorqanichu, nitaj imatapis kamacherqanichu. Chayrayku paykunaqa ni uj chhikallatapis aylluytaqa yanapankuchu. Noqa Tata Diosmin chayta nini.. 33 Jeremías, sichus runasqa, chayrí uj profeta, chayrí uj sacerdotepis tapusunkiman: Imataj Tata Diospa sutʼinchayninri? nispa chayqa, qan ninki: Kaymin Tata Diospa sutʼinchaynin: Qankunata uj qʼepita jina wijchʼuspa, saqerparisqaykichej, nispa. 34 Sichus uj profeta, chayri uj sacerdote, chayri pi runapis kay jinata ninman: Kayqa Tata Diospa sutʼinchaynin, nispa chayqa, noqa chay runata aylluntinta castigasaj. 35 Pipis kawsaqenta, chayri paypa ayllunmanta kajtapis tapukojtenqa, kay jinata niyta atinkichej: Ima nispataj Tata Diosqa kuticherqari? Imatataj nerqari? nispa. 36 Jinapis qankunaqa ama kay jinata parlaychejchu: Tata Diospa sutʼinchaynin kayqa, nispa. Pillatajpis Tata Diospa sutʼinchaynin kasqanta ninman chayqa, chay kikin nisqasnillantataj uj may llasa qʼepiman jina tukuchisaj. Qankunamin kawsaj Diospa nisqasninta qʼewispa, uj jinaman tukuchinkichej. Payqa Diosniykichej Tukuy Atiyniyoj Tata Dios.
17-23 DE ABRIL
BIBLIAMANTA SUMAJ YACHACHIYKUNA | JEREMÍAS 25-28
“Jeremías jina mana manchachikunachu”
(Jeremías 26:1-6) Este versículo está unido al siguiente. 2 Josiaspa churin Joacim Judapi rey kayta qallarishajtin, Tata Diosqa Jeremiasman parlaspa, nerqa: Temploypa patiompi sayaykukuspa, niy imatachus ninaykita kamacherqayki, chay tukuyta, Temploman Judá llajtasmanta noqata yupaychawaj jamushanku, chay tukuy runasman. Amataj ni uj simillatapis qonqaychu. 3 Ichapis kasusunkuman, chay sajra ruwaykunankutataj saqenkuman, jinamanta noqapis manaña chay sajra ruwasqasninkumanta paykunata castigaymanñachu, imaynatachus yuyasharqani, jinataqa. 4 Este versículo está unido al siguiente. 5 Este versículo está unido al siguiente. 6 Niy noqa Tata Dios kayta nisqayta: Manachus nisqasniyta kasunkichej, nitaj ñawpaqeykichejman churasqay leyesniyta kasunkichej chayqa, sitajchus mana kasunkichej kamachisniy profetasniypa kʼamisqasninkuta, pistachus qhepan qhepanta kachamuykichej, qankunataj mana kasunkichejchu, chaykunata chayqa, noqa ruwasaj kay Templowan, chaypacha imaynatachus Silopi yupaychana wasiwan ruwarqani, ajinata. Kay llajtata tukuypa rikunanta ñakʼarichisaj, kay pachamanta tukuy nacionespaj uj maldición jina kanampaj, nispa nerqa Tata Diosqa.
Jeremiasqa, ñaupajllamanpuni rerqa
Jehovaqa, israelitasman Jeremiasta kacharqa mana kasukullajtinkupuni Jerusalén thuñisqa kananta willananpaj. Chaywanpis, Jeremiasta uyariytawan paykunaqa mayta phiñakorqanku, nerqankutaj: “Kay runaqa wañuchisqa kanan tiyan”, nispa. Chaywanpis Jeremías paykunaman nerqa: ‘Jehovata kasuychej. Sichus wañuchiwankichej chayqa, juchachasqa kankichej, uj mana juchayojta wañuchisqaykichejrayku, imaraykuchus cheqamanta Diospuni kachamuwarqa’, nispa. ¿Yachankichu chantá imachus pasasqanta?
(Jeremías 26:8, 9) Chantá Tata Diospa kamachisqanmanta parlayta tukojtinkamataj, sacerdotes, profetas, tukuy llajtapi kaj runaspis Jeremiasta japʼiytawan, nerqanku: Wañunaykipuni tiyan. 9 Imaraykutaj Tata Diospa sutimpi parlaj churakunki, kay Temploqa Silopi yupaychana wasi jina thuñisqa kananta, kay llajtapis chʼinyachisqa kananta, mana runasniyojtaj qhepakunantari? Chayta nispa, tukuynin runas Diospa Templompi Jeremiaspa contranta tantaykukorqanku.
(Jeremías 26:12, 13) Chantá Jeremiasqa tukuy runasman, kurajkunamampis kuticherqa: Tata Diosmin parlajta kachamuwan, kay Temploj contrampi, kay llajtaj contrampitaj willanaypaj, imatachus uyarinkichej, chayta. 13 Kunanqa allintapuni kawsaychej allin kajta ruwaspa, Señorniykichej Tata Diostapis kasuychej. Ajinatachus ruwankichej chayqa, payqa, apachimunanta nerqa, chay ñakʼariykunataqa manaña apachimusunkichejchu.
Kay ‘qhepa pʼunchaykunapi’ Diospaj llankʼana
13 Waj suyusmanta reyes, Judá llajtata kamachiyta munaspa maqanakusharqanku, judiostaj lantista yupaychasharqanku. Jina kashasqanrayku, ¿imaynatá Jeremiaspa nisqanta, kuraj sacerdotes, profetas ima qhawankuman karqa? Biblia nisqanman jina “sacerdotes, profetas, tukuy llajtapi kaj runaspis Jeremiasta japʼiytawan, nerqanku: Wañunaykipuni tiyan”, nispa. Mayta phiñakuspa nillarqankutaj: “Kay runaqa wañuchisqa kanan tiyan”, nispa (Jeremías 26:8-11 leey). Chaywanpis Jehová, Jeremiaswan kasqanrayku mana wañuchiyta aterqankuchu. Jeremiasqa, ashkha runasta may phiñasqasta rikuspapis, mana manchachikorqachu. Noqanchejpis manallataj manchachikunanchejchu tiyan.
(Jeremías 26:16) Chantá chay kurajkuna, tukuy llajtamanta kuraj runaspis sacerdotesman, jinataj profetasmampis nerqanku: Mana imapis kanchu kay runata wañuchinapaj jinaqa; payqa Señorninchej Tata Diospa sutimpi parlawarqanchej, nispa.
(Jeremías 26:24) Safampa churin Ahicampis Jeremiasman sayakorqa. Chayrayku Jeremiasta runasman mana jaywaykorqankuchu wañuchisqa kanampaj.
Jeremiasqa, ñaupajllamanpuni rerqa
Biblia nin: “Kurajkuna, tukuy llajtamanta kuraj runaspis sacerdotesman, jinataj profetasmampis nerqanku: Mana imapis kanchu kay runata wañuchinapaj jinaqa; payqa Señorninchej Tata Diospa sutimpi parlawarqanchej”, nispa. Jeremías manchachikuyninwan mana atipachikusqanrayku Jehová payta jarkʼarqa. Kunantaj imaraykuchus profeta Uriasta mana jarkʼasqanta qhawarina.
Sumaj yachachiykunata maskʼana
(Jeremías 27:2, 3) Tata Diosqa Jeremiasman parlaspa, nerqa: Coyundata, uj yugota ima ruwakuy, chantá muchʼuykiman churaykukuy. 3 Chantá uj willayta apachiy kay nacionesmanta reyesman: Edommanta, Moabmanta, Tiromanta, Sidonmanta ima. Chaytaqa apachiy, Jerusalenman jamunku rey Sedequiasta waturikoj, chay kachasnejta.
Kay ‘qhepa pʼunchaykunapi’ Diospaj llankʼana
21 Sedequías Judapi kamachiyta qallarishajtin, Edommanta, Moabmanta, Tiromanta, Amonmanta, Sidonmanta ima kamachejkunaj kachasninku, Nabucodonosorpa contranpi oqharikuyta munaspa Jerusalenman chayarqanku. Jeremiasqa, Sedequiasta Nabucodonosorpa kamachiynillanpipuni kananta nerqa, astawanpis chay reyespa kachasninkuman, uj yugota jaywarqa, paykunapis Nabucodonosorta kasukunankupaj (Jer. 27:1-3, 14). Jeremiaspa nisqantaqa, mana tukuychu allinpaj qhawarqanku, astawanraj Hananías imatachus nisqanrayku. Payqa llulla profeta karqa, tukuypa ñaupaqenpitaj, ‘Jehová Babiloniaj reyninpa yugonta pʼakinanta’ nerqa. Chaywanpis Jehovaqa, chay llulla profeta niraj watapi wañunanta Jeremiasnejta nerqa. Jehovaj nisqantaj juntʼakorqa (Jer. 28:1-3, 16, 17).
(Jeremías 28:11) Chayta phaskaraytawantaj, tukuy runaspa ñaupaqenkupi nerqa: Tata Diosqa nin: Kay jinallatataj iskay watamantawan tukuy nacionespa kunkankumanta Babiloniamanta rey Nabucodonosorpa yugonta phaskarasaj, chantá pʼakirparisajtaj, nispa. Chayta Hananías nejtinkamaqa, Jeremías riporqa.
jr págs. 187, 188 párrs. 11, 12
Mana chʼinlla qhepakuyta atiymanchu
11 Jeremiasqa, mana imatapis ruwarparillajchu, manaqa enemigosninman allin yuyaywan kutichej, maykʼajchus ripunantataj yacharqa. Chaytataj llulla profeta Hananiaswan ruwasqanpi rikunchej. Chay llulla profeta, tukuypa ñaupaqenpi Jeremiaspa willasqan mana cheqachu kasqanta nejtin, Jeremiasqa pantasqanta reparacherqa, imaynachus uj cheqa profeta kasqantataj sutʼincharqa. Chay kutipi payqa, judíos Babiloniaj kamachiyninpi kanankuta rikuchinanpaj, uj yugota kunkanman churaykukorqa. Chayta rikuspa, Hananiasqa mayta phiñakorqa, yugota qhechuytawantaj pʼakerqa. ¡Chay llulla profetaqa, imastawanrajchus ruwanmanpis karqa! ¿Imatá Jeremías ruwarqa? “Riporqa”. Aswan qhepamantaj, Jehová kamachisqanman jina Hananiasman uj willaywan kuterqa. Nerqataj, Jehová judiosta babiloniosman jaywaykunanta, Hananiasta wañuchinanta ima (Jer. 28:1-17).
12 ¿Imatá kaymanta yachakusunman? Mana manchachikuspa willamuspapis, allin yuyayniyoj kananchej kasqanta. Pillapis, Bibliamanta yachachisqanchejta mana japʼikuyta munaspa phiñarikun chayri qhapariykuwanchej chayqa, kʼachamanta ripusunman, qhepan wasiman chimpanapaj. Mana piwanpis qhasita siminakunachu. Sajrata ruwawajtinchej “paciencia[kuspa]” mana kutichikojtinchejqa, ichá chay runa, aswan qhepaman uyariyta munanqa (2 Timoteo 2:23-25 leey; Pro. 17:14).
Bibliata leenapaj
(Jeremías 27:12-22) Noqa Jeremiasqa Judamanta rey Sedequiasmampis chay kikillantataj nerqani: Babiloniamanta reypa yugonman watachikuychej. Payta, jinataj runasnintapis sirviychej, chantá kawsankichejtaj. 13 Imaraykutaj qan, chantá aylluykipis wañuchisqa kawajchej espadawan, yarqhaywan, chayri wañuchej onqoykunawampisri? Tata Diosqa nin chay tukuy qhatirinantapuni, pischus Babiloniamanta reyta mana sirvejkunata. 14 Ama kasuychejchu, pikunachus Babiloniamanta reyta ama kasunaykichejta umachasunkichej, chay profetastaqa, imaraykuchus paykunaj nisqankoqa llullalla. 15 Tata Diosqa ninña: Noqaqa manapuni paykunata kachamunichu; paykunaqa sutiypi parlasqankuta nispa, llullakushallanku. Paykunatachus kasunkichej chayqa, noqa wijchʼusqaykichej, qankunataj tukuchisqa kankichej, jinallataj chay llulla profetaspis. 16 Chantá nillarqanitaj sacerdotesman, tukuy runasmampis: Tata Diosqa kayta nisunkichej: Chay profetasta ama kasuychejchu. Paykunaqa nisunkichej: Babiloniamanta ña kutichiponqankuña Diospa Templonmanta apasqanku imasta, nispa. Chay nisqankoqa llullalla. 17 Ama paykunata kasuta ruwaychejchu. Babiloniamanta reytachus sirvinkichej chayqa, kawsankichej. Imaraykutaj kay llajtaqa raqayllaman tukunmanri? 18 Sichus cheqamanta profetaspuni kanku chayqa, sitajchus cheqamanta paykunaman parlani chayqa, noqa Tukuy Atiyniyoj Tata Diosmanta mañawachunku, ama saqenaypaj Babiloniaman apanankuta, Diospa Templompi qhepakunkuraj, chay imasta, chantá Judamanta reypa kamachinan wasipi, Jerusalenpipis qhepakunkuraj, chay imasta ima. 19 Este versículo está unido al siguiente. 20 Maypachachus rey Nabucodonosorqa Joacimpa churin Judamanta rey Jeconiasta Jerusalenmanta presota apasharqa Babiloniaman, Judamanta, Jerusalenmantawan kuraj kamachejkunatawan khuska chaypacha, mana apasqankuchu Temploj sayantasninta, nitaj broncemanta chay jatun yaku churanatapis, nitaj chay chukustapis, nillataj Templopi chay waj imastapis. 21 Este versículo está unido al siguiente. 22 Imaschus Diospa Templompi, Judamanta reypa kamachinan wasipi, Jerusalenpipis qhepakorqa, chay imasmanta parlaspa, Tukuy Atiyniyoj Tata Diosqa nin: Babiloniaman chay imastapis apakaponqanku, chaypitaj qhepakonqanku, maykʼajchari noqa kutichimuyta munasaj ujtawan, chaykama. Noqa Tata Diosmin chayta nini.
24-30 DE ABRIL
BIBLIAMANTA SUMAJ YACHACHIYKUNA | JEREMÍAS 29-31
“Jehová nerqaña mosoj tratota ruwananta”
(Jeremías 31:31) Tata Diosqa nillantaj: Uj pʼunchay jamonqa, chay pʼunchaypitaj Israelwan, Judawan ima mosoj tratota ruwasaj.
it-2-S pág. 575 párrs. 3, 4
Trato
Mosoj trato. Kay 700-601 wataspi Jesús niraj jamushajtin, Jehová Diosqa profeta Jeremiaswan willacherqa israelitaswan uj mosoj tratota ruwananta. Chay tratotaj Leypa cuentanmanta kanan karqa, mayqentachus israelitas mana juntʼarqankuchu, chaypa cuentanmanta (Jer 31:31-34). Jesusqa 33 watapi, 14 de nisanpi Señorpa Cenanta qallaricherqa. Chay kutipitaj mosoj tratomanta parlarqa. Chay trato valenanpajtaj, pay yawarninta jichʼanan karqa (Lu 22:20). Jesús kausarimusqanmanta 50 diasninman, yachachisqasnenqa Jerusalenpi uj altos wasipi “tantasqa kasharqanku”. Chaytaj karqa Jesús cieloman ripusqanmanta chunka diasninman. Chaypacha Jesusqa yachachisqasninman “Diospa atiyninwan” juntʼacherqa (Hch 2:1-4, 17, 33; 2Co 3:6, 8, 9; Heb 2:3, 4).
Mosoj tratotaqa Jehová Dios ruwarqa ajllasqa cristianoswan. Paykunaqa ‘Diospa llajtan Israel’ kanku, Cristoj cuerpontaj (Heb 8:10; 12:22-24; Gál 6:15, 16; 3:26-28; Ro 2:28, 29). Mosoj tratoqa Jesucristo yawarninta jichʼasqanwan sayachisqa karqa. Jesustaj cieloman wichariytawan Diospa ñaupaqenman yawarninwan yaykorqa, Ajinamanta chay tratoqa valorniyoj karqa (Mt 26:28). Diosqa wakin runasta cieloman rinankupaj ajllaytawan, mosoj tratoman paykunata yaykuchin. Chaytataj ruwan Cristo yawarninta jichʼasqanrayku (Sl 50:5; Heb 3:1; 9:14, 15, 26). Jesusqa mosoj trato sayachisqa kananpaj yanapakun (Heb 8:6; 9:15). Paytaj Abrahanpa miraynin (Gál 3:16). Jesús mosoj trato sayachisqa kananpaj yanapakusqanrayku, chay tratopi kajkunaj juchasninku pampachasqa. Ajinamanta Jesusqa mosoj tratopi kajkunata yanapan cheqamantapuni Abrahanpa miraynin kanankupaj (Heb 2:16; Gál 3:29). Jehovataj paykunata cheqan runaspaj qhawan (Ro 5:1, 2; 8:33; Heb 10:16, 17).
(Jeremías 31:32, 33) Chay mosoj tratoqa mana chay ñawpa tatasninkuwan ruwarqani jinachu kanqa, maykʼajchus Egiptomanta paykunata orqhomorqani makinkumanta japʼispa chaypacha, imaraykuchus paykunawan trato ruwasqayta mana juntʼarqankuchu, noqa qosanku jina kashajtiy, nispa nin Tata Diosqa. 33 Jaqay pʼunchaykunapi Israelwan tratota ruwasaj, chay tratotaj kay jina kanqa: Leyniyta yuyayninkuman churasaj, sonqosninkupitaj qhelqaykullasajtaj. Noqa Diosninku kasaj, paykunataj aylluy kanqanku, nispa nin Tata Diosqa.
jr págs. 173, 174 párrs. 11, 12
Mosoj tratoj tʼinkasnin
11 Mosoj trato, ñaupaj tratowan, imaynachus qhelqasqa kasqankupi, manallataj kikinchu kanku (Jeremías 31:33 leey). Israelitaswan ruwasqa tratopi Chunka Kamachiykunaqa, rumispi qhelqasqa karqa, kunantaj chay rumisqa manaña kanchu. Mana chayman jinataj Jeremiasqa, mosoj tratoj leyesnin, runaj sonqonpi qhelqasqa kananta, wiñaypaj kananta ima nerqa. Ajllasqa cristianosqa, pikunachus mosoj tratopi kanku, chay leyta jatunpaj qhawanku. ‘Waj ovejasmanta’ kajkunarí, nisunman kay Jallpʼapi wiñaypaj kausayta suyakojkuna, ¿imaynatá chay leyta qhawanku? (Juan 10:16). Paykunapis, Diospa leyninpi miskʼichikunku. Mana chay tratopi kaspapis, Israelpi waj llajtayojkuna jina kanku, pikunachus Moisespa leyninta kasukusqankurayku, Jehovaj bendicionesninta japʼikoj kanku (Lev. 24:22; Núm. 15:15).
12 Ajllasqa cristianospa sonqonkupi qhelqasqa ley, imachus kasqanta pillapis tapuwajtinchej, ¿imatá kutichisunman? Chay leytaqa, ‘Cristoj leynin’ nispa sutichakullantaj, mosoj tratopi kajkunamantaj ñaupajta qokun (Gál. 6:2; Rom. 2:28, 29). Kay leyqa, uj parlayllapi munakuy kasqanta nisunman (Mat. 22:36-39). ¿Imaynatá chay ley, ajllasqa cristianospa sonqonkupi qhelqakun? Diosmanta mañakuynejta, Palabranta ukhunchaynejta ima. Chayrayku chaytaqa, tukuy cristianos, mosoj tratopi mana kaspapis, chay tratoj tʼinkasninta japʼiyta munaspaqa, sapa pʼunchay ruwana tiyan.
(Jeremías 31:34) Manaña pipis runa masinta yachachenqañachu nitaj wawqentapis nenqachu: Tata Diosta rejsiy, nispa, imaraykuchus tukuy rejsiwanqanku, sullkʼamanta kurajninkukama. Noqa sajra ruwasqankuta pampachasaj, manañataj jaykʼajpis juchasninkumanta yuyarikusajchu. Noqa Tata Diosmin chayta nini.
Mosoj tratoj tʼinkasnin
18 Chantapis mosoj tratoqa, Diospa ujnin kʼacha kayninta rikuchillantaj, imaynatachus juchasapa runasta qhawasqanpi, nisunman tratopi kaj ajllasqa cristianosta, Jallpʼapi kausayta suyakojkunata ima. Jehová juchasninchejta pampachaspa, chaykunamanta manaña yuyarikunanpi atienekusunman. Chayrayku, Dios mosoj tratota ruwananta nisqanmanta, mayta yachakusunman. Tapurikuna: “Contraypi juchallejta perdonajtiy, ¿kallpachakunichu chay runaj pantasqanta Jehová jina manaña yuyarinaypaj?”, nispa (Mat. 6:14, 15). Jehovaj ruwasqanqa, pillapis contranchejpi pisi chayri jatuchaj imaspi pantajtin, kikinta ruwanapaj yachachiwanchej. Chaykunamanta ujtaj kanman, qhariwarmi ukhupi qhenchachakuy kajtin. Mana juchayoj perdonan chayqa, qosan chayri warmin wasanchasqanta ‘manaña jaykʼajpis yuyarikunanchu’ tiyan. Contranchejpi juchallikojpa ruwasqanta qonqayqa, mana atikullanchu, chaywanpis qonqaspaqa, Jehová jina ruwasunchej.
Sumaj yachachiykunata maskʼana
(Jeremías 29:4, 5) Este versículo está unido al siguiente. 5 Noqa, Israelpa Diosnin Tukuy Atiyniyoj Tata Dios kayta nini, pikunatachus Jerusalenmanta Babiloniaman apacherqani, chaykunaman: Wasista ruwakuspa, chaypi tiyakuychej; poqoj sachʼasta plantakuychej, chay poqoynintataj mikhuychej.
(Jeremías 29:7) Maymanchus presos apasqa karqankichej, chay naciompa allinnimpaj trabajaychej, chay nacionraykutaj Tata Diosmanta mañapuychej, imaraykuchus chay nación allimpi kajtenqa, qankunapis allillampitaj kankichej.
w96-S 1/5 pág. 11 párr. 5
Dioswan Cesarwan
5 Aswan qhepaman, Jehovaqa Babiloniaman apasqa kaj judiosman nerqa, kamachejkunata kasunankuta, chay llajtapaj allin kausayta mañapunankuta ima. Jehovaqa Jeremiasnejta kayta nerqa: “Noqa, Israelpa Diosnin Tukuy Atiyniyoj Tata Dios kayta nini, pikunatachus Jerusalenmanta Babiloniaman apacherqani, chaykunaman: [...] Maymanchus presos apasqa karqankichej, chay naciompa allinnimpaj trabajaychej, chay nacionraykutaj Tata Diosmanta mañapuychej, imaraykuchus chay nación allimpi kajtenqa, qankunapis allillampitaj kankichej”, nispa (Jeremías 29:4, 7). Jehovaj llajtanmanta kajkunaqa kallpachakunku tukuywan ‘allinta kausakunankupaj’. Chantapis may nacionpichus tiyakunku chaypajpis, allin kausayta maskʼanku. Jinamanta Jehovata yupaychanallankupajpuni (1 Pedro 3:11).
(Jeremías 29:10) Noqa Tata Dios nillanitaj: Qanchis chunka watas Babiloniapi juntʼakojtinkama, noqa qankunaman kutikusaj, juntʼasajtaj, kay cheqaman qankunata kutichimunayta nerqani, chay allin nisqayta.
g-S 6/12 pág. 14 párrs. 1, 2
Bibliaj nisqanqa juntʼakunpuni. 2 kaj
Juntʼakusqan: Judiosqa 70 watasta Babiloniapi presos karqanku, Jesús niraj jamushajtin 607 watamanpacha 537 watakama. Chantataj Persiamanta kamachej Ciroqa, judiosta kacharicherqa, llajtankuman kutipunankutataj saqerqa. Ajinamanta Jerusalenpi templota watejmanta sayachinankupaj (Esdras 1:2-4).
Ñaupa tiempomanta yachaj runaspa nisqanku:
● ¿Bibliaj nisqan juntʼakorqachu? ¿Israelitas 70 watastapunichu Babiloniapi presos karqanku? Israelmanta Ephraim Sternqa, ñaupa tiempo runaspa kausayninkumanta yachan, may rejsisqataj. Pay nin: “604 watamanpacha 538 watakama, Judá llajtaqa chʼinpacha karqa. Ni imapis rikuchinchu chay wataspi runas tiyakusqankuta. Babilonios chinkacherqanku chay tukuynin llajtasqa, chay wataspi chʼinpacha karqanku”, nispa. Chay wataspipunitaj Israel llajtaqa Babiloniapi presos karqanku. Chaytaj karqa 607 watamanta 537 watakama Jesús niraj jamushajtin (2 Crónicas 36:20, 21).
Bibliata leenapaj
(Jeremías 31:31-40) Tata Diosqa nillantaj: Uj pʼunchay jamonqa, chay pʼunchaypitaj Israelwan, Judawan ima mosoj tratota ruwasaj. 32 Chay mosoj tratoqa mana chay ñawpa tatasninkuwan ruwarqani jinachu kanqa, maykʼajchus Egiptomanta paykunata orqhomorqani makinkumanta japʼispa chaypacha, imaraykuchus paykunawan trato ruwasqayta mana juntʼarqankuchu, noqa qosanku jina kashajtiy, nispa nin Tata Diosqa. 33 Jaqay pʼunchaykunapi Israelwan tratota ruwasaj, chay tratotaj kay jina kanqa: Leyniyta yuyayninkuman churasaj, sonqosninkupitaj qhelqaykullasajtaj. Noqa Diosninku kasaj, paykunataj aylluy kanqanku, nispa nin Tata Diosqa. 34 Manaña pipis runa masinta yachachenqañachu nitaj wawqentapis nenqachu: Tata Diosta rejsiy, nispa, imaraykuchus tukuy rejsiwanqanku, sullkʼamanta kurajninkukama. Noqa sajra ruwasqankuta pampachasaj, manañataj jaykʼajpis juchasninkumanta yuyarikusajchu. Noqa Tata Diosmin chayta nini. 35 Pichus intita pʼunchay kʼanchanampaj churarqa, killata, chʼaskastapis tutapi kʼanchanankupaj churarqa; pichus mama qochata qaywin qhollchoqeyasqan sinchʼita chʼajwarinankama, chaypata sutenqa Tukuy Atiyniyoj Tata Dios. Payqa nin: 36 Sichus chay churasqay leykuna mana juntʼakunman chayqa, chay pʼunchaymantapacha Israelqa ñawpaqeypi wiñaypaj mana nacionchu kanman, nispa nin Tata Diosqa. 37 Sichus cielota midiyta atinkuman chayqa, sitajchus kay pachatapis cimientosninkama qhawaykuyta atinkuman chayqa, noqapis atillaymantaj Israelpa mirayninta qhesachayta tukuy ima ruwasqasninmanta, nispa nin Tata Diosqa. 38 Tata Diosqa nillantaj: Uj pʼunchay jamonqa, chay pʼunchaypitaj kay llajtayqa watejmanta sayarichisqa kanqa, Hananeel torre chaymantapacha Esquina Punku nisqakama. 39 Chayqa cheqanta renqa chaynejmanta Gareb Orqokama, chaymantataj Goa chaynejman muyuykonqa. 40 Chantá tukuynin valle, maypichus wañusqasta pʼampanku, ushphatataj wijchʼunku chay, Cedrón Wayqʼo chaymanta inti llojsimuynejman, chay patapi tukuy pampaspis, Caballo Yaykuna Punku nisqa esquinakama, chay tukoyqa noqapaj tʼaqasqa kanqa, manataj jaykʼajpis urmachisqachu, nitaj thuñisqachu kanqa.