Lloqʼe: huracán Ian (Florida, Estados Unidos), septiembre de 2022 (Sean Rayford/Getty Images); chaupipi: uj mama wawanwan ayqekusqankumanta (Donetsk, Ucrania), julio de 2022 (Alex Chan Tsz Yuk/SOPA Images/LightRocket via Getty Images); paña: COVID onqoymanta pruebasta ruwasqankumanta (Pekín, China), abril de 2022 (Kevin Frayer/Getty Images).
¡RIJCHʼARISQALLAPUNI KAY!
2022 wataqa llakikunapaj jina, mancharinapaj jinataj karqa | ¿Imatá Biblia nin?
2022 watapeqa guerrasmanta, qolqe pisiyasqanmanta, desastres kasqanmanta ima noticias karqa. Chay tukuy imas pasashasqan ima niytachus munasqantaqa Biblialla sutʼinchan.
2022 watapi imaschus pasasqan, ¿ima niytá munan?
Bibliaqa parlan ‘qhepa pʼunchaykunamanta’. Kay 2022 watapi imaschus pasasqantaj aswan sutʼita rikuchiwanchej ‘qhepa pʼunchaykunapi’ kausakushasqanchejta (2 Timoteo 3:1). Kay qhepa pʼunchaykunaqa 1914 watapi qallarerqa. Bibliaqa nerqaña kay tiempopi imaschus pasashan chay imas pasanantapuni. Imaynatachus chay juntʼakushasqanta qhawarina.
“Guerras” (Mateo 24:6).
“2022 watapi mancharinapaj jina guerra Europapi ujtawan qallarerqa”.a
“Rusia Ucraniaman yaykuykun” nisqa yachaqanata leeriy.
“Yarqhaykuna” (Mateo 24:7).
“2022 watapi ni jaykʼaj jina yarqhay karqa”.b
“Ucraniapi guerra kasqanrayku mundontinpi mikhuna pisiyashan” nisqa yachaqanata leeriy.
“Wañuchej onqoykuna” (Lucas 21:11).
“Polio nisqa onqoy watejmanta rikhurimushan, viruela del mono nisqa onqoy astawan yapakushan, COVID-19 nisqa onqoypis ashkha runasta onqochishallanpuni. Chaytaj rikuchiwanchej contagioso onqoykunaqa may sinchʼipuni kasqanta, runastaj ima onqoytapis chay rato japʼiyta atisqanchejta”.c
“6 millones COVID onqoywan wañunku” nisqa yachaqanata leeriy.
‘Mancharina imas’ (Lucas 21:11).
“Kay 2022 watamanta qʼoñi tiempotaqa mana qonqasunchu. Imaraykuchus manchay calor karqa, yaku pisiyarqa, incendios, inundaciones ima karqa. Chay imas kasqanraykutaj mundo enteropi ashkha runas wañorqanku, may chhika runastaj wasinkumanta ayqekorqanku”.d
“Jallpʼantinpi astawan calor kashan” nisqa yachaqanata leeriy.
‘Chʼajwas’ [chayri ‘runas oqharikushasqanku’] (Lucas 21:9).
“Runasqa qolqe pisiyasqanrayku chanta tukuy imajta precion yapakusqanrayku, sapa kuti aswan phiñasqas kashanku. Chayraykutaj 2022 watapeqa gobiernoj contranpi astawan chʼajwas karqa”.e
“Mundontinpi tukuy imajta precion yapakun” nisqa yachaqanata leeriy.
Qhepan watarí, ¿imastaj kanqa?
Ni pipis yachanchu imaschus 2023 watapi kananta. Chaywanpis pisimantawan Diospa Gobiernon allin kausayta kay jallpʼaman apamonqa. Chay Gobiernoqa cielopi kashan (Daniel 2:44). Diospa Gobiernonqa imaschus llakichiwanchej chay imasta chinkachenqa, Diospa munaynintataj kay jallpʼapi ruwanqa (Mateo 6:9, 10).
Jesucristo imastachus yuyaychawasqanchejta kasukuna, ‘rijchʼarisqasllapunitaj kana’. Ajinamanta rikusunchej kay tiempopi imaschus pasashasqanqa Bibliaj profeciasninta juntʼashasqanta (Marcos 13:37). Bibliaj nisqanqa kunan yanapawasunman. Chantapis noqanchejman, familianchejmanpis uj suyakuyta qowanchej. Chaymanta astawan yachakuyta munanki chayqa, noqaykuwan parlariy.
a Jill Lawless: “2022 Was Year the Horror of War Returned to Europe,” AP News, 8 de diciembre de 2022.
b “Una crisis alimentaria mundial”, Programa Mundial de Alimentos.
c Lawrence O. Gostin, JD: “Living in an Age of Pandemics—From COVID-19 to Monkeypox, Polio, and Disease X”, JAMA Health Forum, 22 de septiembre de 2022.
d Martina Igini: “Whatʼs Behind the Record-Breaking Extreme Weather Events of Summer 2022?”, Earth.Org. 24 de octubre de 2022.
e Thomas Carothers y Benjamin Feldman: “Economic Anger Dominated Global Protests in 2022”, Carnegie Endowment for International Peace, 8 de diciembre de 2022.