4 YACHAQANA

Bibliamanta niraj leerishaspa sutʼinchariy

Mateo 22:41-45

KAYPI YACHAKUNKI: Niraj uj versiculota leeshaspa, imamantachus parlashasqanta tumpata sutʼinchariyta.

Imapajchus uj versiculota leeshasqaykipi piensariy. Niraj uj versiculota leeshaspa, uyarisojkunata yanapariy imatachus chay versiculowan sutʼinchanaykita entiendenankupaj.

Uj versiculota leenaykipajqa, imamantachus ñaupaj versículos qhepan versículos parlashasqanta yachanayki tiyan. Chantapis leesqayki versiculopi pichus parlashasqanta, pitajchus chay librota qhelqasqanta willayta munanki chayqa, ñaupajmantaña chaykunata qhawaykuriy, ama pantasqata willanaykipaj.
Bibliamantapuni parlay. Diospi creej runaswan parlashaspaqa, Bibliaqa Diospa Palabranpuni kasqanta willariy. Ajinamanta rikuchinki Diosmantapuni yachachishasqaykita.
Bibliamanta astawan yachakuyta munanankupaj jina parlariy. Uj tapuyta ruwaytawan Bibliawan kutichiy. Uj problemamanta parlarishaspataj ima versiculochus chay problema chinkananmanta parlashasqanta leeriy. Chayri Bibliaj mayqen yuyaychaynillantapis entiendenanpaj yanapariy.

Bibliamanta imatachus uyarejkuna yachasqankupiña piensariy. Uj rejsisqa versiculota leerispapis astawan yachakuyta munanankupaj jina sutʼinchariy, yanapariytaj chay versiculomanta waj mosoj imastawan yachakunankupaj.