18 YACHAQANA

Uyarejkunata yanapanaykipaj jina sutʼinchariy

1 Corintios 9:19-23

KAYPI YACHAKUNKI: Yachachishaspa uyarejkunata piensarichiyta, sumajta yachakunankupajtaj yanapayta.

Imastachus uyarejkuna rejsisqankupiña piensariy. Rejsisqa imasllamanta parlanaykimantaqa, uyarejkunata yanapariy waj mosoj imasmanta yachakunankupaj.

Rejsisqa imasmantaqa ama anchata sutʼinchaychu. Jinapis mana rejsisqa imasmanta sutʼinchanayki kajtenqa, entiendenankupaj jina calmallawan sutʼinchay.
Estudiay, tʼukuriy ima. Discursoykimanta wakin imasta sutʼinchanaykipajqa, imasmantachus uyarejkuna manaraj yachankuchu chay imasmanta, imaschus kay tiempopi pasashasqanmanta chayri waj imasmantawan parlariy. Jinapis chay parlasqaykeqa imamantachus discursoykipi parlashasqaykita astawan sutʼinchanan tiyan.

Discursoykita wakichikushaspaqa kayta tapurikuy: “¿Imataj chay karqa? ¿Imaraykutaj chay karqa? ¿Maykʼajtaj chay karqa? ¿Maypitaj chay karqa? ¿Pitaj pay karqa? ¿Imaynataj chay karqa?”, nispa. Yachachishaspataj kay tapuykunamanta wakinta tapuriy, kutichiytaj. Chayta ruwajtiykeqa uyarejkuna sumajta uyarisonqanku.
Yachachisqayki uyarejkunata yanapayta atisqanta rikuchiy. Uyarejkunata yanapariy imaynatachus Bibliaj nisqan kausayninkupi yanapayta atisqanta reparanankupaj. Chantapis sutʼinchashaspaqa, uyarejkunaj rejsisqanku imasllamanta parlariy.