Diosmanta willallaypuni
1 Wakin kutipi ichá maypichus willanchik chaypi, kutin kutita willakusqanrayku, mana willayninchikta kasukusqanrayku ima, willaytaqa juntʼasqanchiktaña yuyasunman. Chayrayku qhawarina, imaraykuchus willayninchikta mana saqina kasqanta (Mat. 28:19, 20).
2 Tukuy runas yachanankupaq. Jesús nirqa, Diospa Reinonmanta willakusqanqa, “tukuy runas yachanankupaq” kay ‘pachap tukukuynin’ qayllapiña kasqanta, rikuchinanta (Mat. 24:3, 14). Diospa Reinonmanta willakuchkasqantaqa tukuy runas, sutʼita rikuchkanku. Wakinqa, mana kasukuspapis, ichá ripusqanchiktawan, horasta, diasta ima, willasqanchikmanta parlanku. Imaraykuchus willasqanchikta yachayqa, willanallanchikpaqpuni yanapawanchik. Runaman willamuspaqa, profeciasta juntʼachkanchik, jinamantataq Jehovata kusichichkanchik (2 Tes. 1:6-8).
3 Mana saykʼuptinchikqa puquyta japʼisunchik. Runataqa, imaymana ruwaykuna, llamkʼaynin ima, tiemponta qhichun, chayrayku uyarinankupaqqa, willananchik tiyan. Juk warmita Hermanos, juk wata juntʼata sapa semana, Bibliamanta parlarinankupaq wasinman mana yaykuchiptinpis, waturiq kanku. Parlarisqankuqa, mayta gustarqa chayraykutaq Bibliamanta yachakuyta mañarqa, tantakuykunaman riytataq qallarirqa, pisi tiemponmantaq bautizakuyta munasqanta nirqa.
4 Imaynatachus kay pachanchikpi kawsayqa, usqhayllata tikrakun, jinallataq runap kawsayninpis tʼikrakun, chayrayku wakin runasqa ñawpaqta mana uyariyta munaspapis, aswan qhipaman, willayninchiktaqa, kusiywan japʼikunku. Chayrayku mana saykʼusqanchikrayku, juk runallapis yachakuyta munasqanqa mayta kusichiwanchik.
5 Jallpʼantinpi runaqa, “tukuy millay imas ruwakusqanmanta qhaparispa waqashanqanku” (Eze. 9:4). Reinop puquynin rikuchin, runas willayta kasuyta munaqkunaqa, kasqankutaraq (Isa. 2:2, 3). Chayrayku, kay ‘allin kawsaymanta sumaq willaytaqa’ munakuywan, mana saykʼuspa willanallanchikpuni tiyan (Isa. 52:7; Hech. 5:42).