Aswan sumaj yachachejkuna kana: Bibliamanta yachakuyta munaj runasta tarispa anotakuna

“Kawsayniykita allinta qhawakuy, jinallataj imatachus yachachisqaykitapis” (1 Tim. 4:16). Apóstol Pabloqa chayta Timoteoman yuyaycharqa. Chaytaj kunallanraj chayri unayña testigos kajtinchejpis, kallpachakunanchej kasqanta rikuchin. Chaypajtaj Reinomanta Willayninchejpi mosoj yachaqanas llojsenqa, mayqenchus sutikonqa “Aswan sumaj yachachejkuna kana”. Sapa yachaqanaqa, uj imallamanta sutʼinchanqa. Chaywanpis imastachus ruwananchejta yuyaychariwasun. Chaytataj killantinta ruwasun. Killa tukukuytataj Willayta Yachanapaj tantakuypi, imaynatachus yanapawasqanchejmanta parlarisun. Kay yachaqanapeqa, pikunachus astawan Bibliamanta yachakuyta munajkunata tarispa anotakunamanta yachakusun.

¿Imaraykutaj ruwananchejpuni tiyan? Ruwayninchejqa mana runaman willamuyllachu. Astawanqa Bibliamanta yachakuyta munajkunaman watejmanta kutina, cheqa kajmanta yachachinapaj. Ajinamanta tarpusqanchej mujuta qarpasun (Mat. 28:19, 20; 1 Cor. 3:6-9). Chaypajtaj ñaupaj kutipi parlarisqanchejman jina, chay runata watejmanta taripaspa imachus llakichisqanmanta parlarina. Chayrayku Bibliamanta yachakuyta munajta tarispaqa anotakunapuni.