Aswan sumaj yachachejkuna kana: runaspa allinninkuta maskʼana

¿Imaraykutaj ruwananchejpuni tiyan? Jesusqa runaspa allinninkuta maskʼarqa. Payqa uj kuti joqʼara runata mancharisqata reparaspa, runaspa chaupinmanta wajnejman pusarqa, chaypitaj jampimorqa (Mar. 7:31-35). Jesusqa yachachisqasnin mashkhatachus yachakuyta atisqanta yachaj, chayrayku mana ashkha yachachiykunawanqa umankuta muyuchejchu (Juan 16:12). Kunankamapis payqa janaj pachamantapacha tukuypaj allinninkuta maskʼashallanpuni (2 Tim. 4:17). Cheqa cristianostaj pay jina kananchejpaj kallpachakunchej (1 Ped. 2:21; 1 Juan 3:16, 18). Willaypi allin rinawanchejpajqa, runaswan kʼachas kananchej tiyan. Chantapis imaynachus kashasqanta, imachus llakichisqanta, imachus gustasqantapis reparana tiyan. Runasqa allinninkuta maskʼashasqanchejta reparaspa uyariyta munawasun, imajtinchus mana publicacionesta jaywajllachu, nitaj uj imata willamojllachu wasinman risqanchejta reparanqanku.