Jesuspa Wañuyninta Yuyarina tiempoqa ¡may kusiy!
1. ¿Imaynatá Jesuspa Wañuyninta Yuyarinapaj tiempopi astawan kusikuwaj?
1 Marzo, abril, mayo killaspi, ¿astawan kusisqa kayta munawajchu? Chaypajtaj astawan willanapaj tiempochakuwaj, atispataj precursor auxiliar kawaj. ¿Imaraykutaj chayta ruwaspa astawan kusikunki?
2. ¿Imaraykutaj kusikunchej astawan willaspa?
2 Astawan kusisqa kawaj. Jehovaqa payta yupaychaspa, paymanta yachakuspa ima, kusisqa, sonqo juntʼasqataj kananchejpaj ruwawarqanchej (Mat. 5:3). Wajkunaman qorispa kusikunanchejpajtaj (Hech. 20:35). Chayrayku Diosta yupaychaspa, runamasinchejta yanapaspa ima astawan kusikunchej. Chantapis astawan willamuspaqa sumaj yachachejkunaman tukunchej. Chaytaj mana manchachikunapaj, nitaj kharkatinapaj yanapawasun. Chantapis tukuyman willayta atisun, ashkha runasmantaj Bibliamanta yachachiyta qallarisun. Chayqa kusiywan willamunapaj yanapawasun.
3. ¿Imaraykutaj marzo, abril killas precursor auxiliar jina kanapaj sumaj kanqa?
3 Marzo, abril killasqa, precursor auxiliar jina kanapaj sumaj kanqa, imajtinchus 30 chayri 50 horasta willamuyta ajllayta atisun. Kay wataqa abril 14 pʼunchayta Jesuspa Wañuyninta yuyarisun. Marzo 22 pʼunchaymantapachataj runasta wajyariyta qallarisun. Qotuchakuykunamantaqa ashkha hermanos “uj sonqolla” llankʼanqanku. Chay semanaspitaj yaqha tukuy wasisman chayakonqa (Sof. 3:9).
4. Precursor auxiliar kayta munaspa, ¿imastá ruwawaj?
4 Wakichikullayña. Niraj wakichikunkichu chayqa, imaynatachus tiempochakunaykipi tʼukuriy. Chantapis uj killata chayri astawan precursor auxiliar kanaykipaj imastachus ruwanaykita qhawarikuy. Jehovamanta mañakuy (Sant. 1:5). Familiaykiwan chantá qotuchakuymanta hermanoswan parlariy (Pro. 15:22). Chantá onqosqa kaspapis chayri diantinta llankʼaspapis precursor auxiliar kayta atiwaj.
5. Jesuspa Wañuyninta Yuyarinapaj tiempopi astawan willaspa, ¿imatá tarisun?
5 Jehovaqa kamachisnin kusisqa kanankuta munan (Sal. 32:11). Jesuspa Wañuyninta Yuyarinapaj tiempopi astawan willamunapaj kallpachakusun chayqa, astawan kusisqa kasun, Jehová Tatanchejtataj kusichisun (Pro. 23:24; 27:11).