Ri chʼoj kriqtaj rumal ri política | ¿Jas kubʼij ri Biblia chrij wariʼ?

Tajin knimar ri itzelal cho ri uwach Ulew rumal ri política, rumal laʼ ri winaq sibʼalaj kkixeʼj kibʼ.

• Pa ri elecciones re ri junabʼ 2023-2024 xekamisaxik 39 candidatos políticos, y xkʼulmataj nikʼaj chi chʼoj rumal ri taq partidos políticos, kʼo ta jumul kʼulmatajinaq wariʼ pa ri tinamit México.

• Pa ri Europa xuqujeʼ kʼi itzelal tajin kkʼulmatajik rumal ri política, jun kʼutbʼal, xa jubʼiqʼ xraj che xkamisax ri primer ministro re Eslovaquia pa ri qʼij 15 re mayo 2024.

• Ri winaq re Estados Unidos sibʼalaj kkimayo rumal che pa ri 15 re septiembre 2024, kbʼixik che xa jubʼiqʼ ma xkamisax chi jumul ri expresidente Donald Trump, ukabʼ mul chik kbʼan wariʼ che.

¿Jasche ri winaq kkibʼan kʼi itzelal rumal ri política? ¿La ksach na uwach ri itzelal? ¿Jas kubʼij ri Biblia chrij wariʼ?

Ri Biblia ubʼim chik che kkʼojiʼ na jachoj ibʼ chkixoʼl ri winaq rumal ri política

Ri Biblia xubʼij kanoq che pa taq ri qaqʼij che kbʼix «ri kʼisbʼal taq qʼijol» che, ri itzel taq kibʼantajik ri winaq kubʼano che kkʼojiʼ chʼoj y jachoj ibʼ chkixoʼl.

• «Pa ri kʼisbʼal taq qʼijol, kepe na kʼaxalaj taq qʼij. Kekʼojiʼ na winaq ri kkiloqʼoqʼej kibʼ chkibʼil kibʼ, [...] ri man kkiya ta maltyoxinik, man chʼajchʼoj ta ri kikʼaslemal, [...] e kʼanalaj taq winaq, [...] kkijach taq kachiʼl pa kiqʼabʼ ri kikʼulel, man kkichomaj ta ri kkibʼano, kkichomaj chi nim kibʼanik» (2 Timoteo 3:1-4).

Ri Biblia xuqujeʼ ubʼim kanoq che ri winaq kkibʼan na kikʼulel chke ri e qʼatal taq tzij y kechʼojin na rumal ri política (Lucas 21:9). Pero ri itzelal che tajin kkibʼan ri winaq rumal ri política xa chi jubʼiqʼ tiempo kʼolik, ksachisax na uwach.

Ri itzelal che kʼo kamik rumal ri política ksach na uwach

Ri Biblia kubʼij che ri Dios kukʼex na ri kiqʼatbʼal taq tzij ri winaq rukʼ ri Uqʼatbʼal tzij ri areʼ che kʼo pa ri kaj.

• «Ri Dios ri kʼo pa ri kaj kujeqebʼaʼ na jun ajawibʼal ri [...] keʼusachisaj na kiwach konojel taq ri nikʼaj ajawibʼal chik, kajeqiʼ kʼu na chbʼe qʼij saq» (Daniel 2:44).

Ri Uqʼatbʼal tzij ri Dios kubʼano che kkʼojiʼ na jamaril y utzilal chkixoʼl ri winaq pa ronojel ri uwach Ulew.

• Ri Qʼatal tzij Jesucristo, kbʼix «ukʼojol ajawinel yaʼl jamaril» che. Ri areʼ kubʼan na che amaqʼel kkʼojiʼ jamaril (Isaías 9:6, 7).

• Kamik, ri kkiya ri kitobʼanik che ri Uqʼatbʼal tzij ri Dios tajin chik kketaʼmaj ri rajawaxik kkibʼano rech kekʼojiʼ pa jamaril. Ri Biblia kubʼij wariʼ chkij ri e winaq riʼ: «Ri e kichʼichʼ re chʼoʼj kkibʼan na asaron chke, ri e kitzʼimaj chʼichʼ kkibʼan na jos chke. Man kʼo ta jun tinimit keʼumajij ta chik ri e uchʼojibʼal chrij jun chik, mawi ktijox ta chi che ubʼanik chʼoʼj» (Isaías 2:3, 4).

We kawaj kawetaʼmaj más, chasikʼij ri kʼutunem «¿Qué cosas logrará el Reino de Dios?» y chawilaʼ ri video ¿Jas riʼ ri Rajawbʼal ri Dios?