Ktzʼaqat jun junabʼ are chiʼ xmajtaj lo ri chʼoj pa Ucrania | ¿Jas eyebʼal kuya ri Biblia?

Pa viernes 24 re febrero 2023, kubʼan jun junabʼ are chiʼ xmajtaj lo ri chʼoj pa Ucrania. Jun informe xubʼij che weneʼ 300,000 ajchʼojabʼ re Ucrania y re Rusia e kaminaq o kiriqom kʼax, y weneʼ 30,000 winaq e kaminaq chik. Are kʼu, weneʼ e kʼo na más.

Sibʼalaj bʼisobʼal rumal che ri chʼoj kʼo ta ukʼisik.

• «Xa jubʼiqʼ chi kraj ktzʼaqat jun junabʼ are chiʼ ri ajchʼojabʼ rusos xeʼopan pa Ucrania, are kʼu wajun chʼoj riʼ kʼo ta ukʼisik. Y kʼo ta kkʼutuwik che kʼo jun kchʼakan chke, ni kkichomaj taj kkikʼis ri chʼoj» (NPR [radio pública nacional re Estados Unidos], 19 re febrero 2023).

Rumal laʼ, e kʼi winaq kebʼisonik are chiʼ kkil ri kʼax che tajin kkiriq ri e nikʼaj chik rumal ri chʼoj che tajin kebʼan pa ronojel ri uwach Ulew. ¿Jas eyebʼal kuya ri Biblia? ¿La kopan na jun qʼij che kʼo ta chi chʼoj?

Jun chʼoj che kusachisaj na uwach ronojel ri e chʼoj

Ri Biblia kchʼaw chrij jun chʼoj, xa ta kubʼan kʼax chke ri winaq xaneʼ keʼutoʼ na. Wajun chʼoj ri kbʼix Armagedón che, y ri Biblia pa Apocalipsis kubʼij «ri chʼoʼj re ri nimalaj uqʼij ri Dios ri kʼo ronojel ukuʼinem» che (Apocalipsis 16:14, 16). Ri Dios kukoj na wajun chʼoj riʼ rech kusachisaj kiwach konojel ri e qʼatal taq tzij, che umak ke kʼo kʼi chʼoj y kʼax. Rech kawetaʼmaj ri kubʼan ri Armagedón che ukʼamik lo ri jamaril, chasikʼij ri e kʼutunem riʼ:

• ¿Jas riʼ ri Armagedón?

• Utzalaj taq tzij chrij ri Armagedón