Ri kʼax che tajin kuriq ri medio ambiente | ¿La kkun ri Uqʼatbʼal tzij ri Dios kusukʼumaj?

«Rumal che ri clima junam ta chi rukʼ ri re ojer, ri e winaq tajin kkiriq kʼax, ri e chikop y ronojel ri jastaq che kʼo cho ri uwach Ulew. Rumal ri nimaʼq taq jabʼ che tajin kubʼan cho ronojel ri uwach Ulew, kubʼano che ri kachoch ri e winaq kuriq kʼax xuqujeʼ kʼax kkiriq che uchʼakik ri kajwataj chke. Ri océanos tajin kemiqʼik rumal laʼ ri e chikop che e kʼo pa ri mar kkiriq kʼax y kekamik» (Inger Andersen, secretaria general adjunta re ri Naciones Unidas y directora ejecutiva re ri Programa de las Naciones Unidas rech kutoʼ uwiʼ ri Medio Ambiente, 25 re julio 2023).

We kkikoj kichuqʼabʼ konojel ri e qʼatal taq tzij, ¿la kekunik kkitoʼ uwiʼ ri medio ambiente? ¿La qas kʼo kekunik kkibʼano rech kkisukʼumaj ronojel ri e kʼax riʼ?

Ri Biblia kchʼaw chrij jun qʼatbʼal tzij che kkunik y che qas kresaj na ronojel ri kʼax che tajin kuyaʼ ri clima cho ri uwach Ulew. Kubʼij: «Ri Dios ri kʼo pa ri kaj kujeqebʼaʼ na jun ajawibʼal», jun qʼatbʼal tzij che kusukʼumaj na ri kʼax che kʼo cho ri uwach Ulew (Daniel 2:44). Ri e winaq che kekʼojiʼ chuxeʼ wajun qʼatbʼal tzij riʼ «man kʼo ta jun ri kubʼan ta jun kʼax»: chbʼil taq kibʼ y che ri uwach Ulew (Isaías 11:9).