Ri políticos che keʼelaqʼik | ¿Jas kubʼan na ri Uqʼatbʼal tzij ri Dios?

Ri e winaq kkaj kkikubʼsaj kikʼuʼx chkij ri e qʼatal taq tzij; are kʼu sibʼalaj kebʼisonik rumal che ri e qʼatal taq tzij amaqʼel keʼelaqik y kkibʼan jastaq che kubʼan kʼax chke ri winaq. Pa ri junabʼ 2023, xtaʼ chke e jalajoj winaq pa ronojel ri uwach Ulew ri kkichomaj chkij ri e qʼatal taq tzij, e kʼi chke ri winaq riʼ xkibʼij che kkikubʼsaj ta chi kikʼuʼx chkij.a

Ri Biblia kchʼaw chrij jun qʼatbʼal tzij che kuyaʼ kkubʼsax kʼuʼx chrij, rumal che ri Uqʼatal tzij sukʼ ronojel ri kubʼano y kʼo ta kʼax kubʼano. Tajin kojchʼaw chrij ri Uqʼatbʼal tzij ri Dios y ri Qʼatal tzij, ri Jesucristo (Isaías 9:7).

Ri Jesús ukʼutum pa ronojel ri ukʼaslemal che qas kel ukʼuʼx chke konojel ri winaq (Mateo 9:35, 36). Are chiʼ kuqʼat tzij, kkʼojiʼ na jamaril y sukʼilal chkixoʼl ri winaq che kkitoʼ uwiʼ ri Uqʼatbʼal tzij (Salmo 72:12-14).