Ri Jesús kusachisaj na kiwach ri winaq che kkibʼan kʼax

Ri Jesús kuchʼobʼ ri kunaʼ jun winaq are chiʼ kbʼan kʼax che kumal ri itzel taq winaq. Rumal che areʼ xbʼix molom tzij chrij, xchʼayik, xqʼat tzij puwiʼ y xkamisaxik. Paneʼ kʼo ta umak, xraj xuya ri ukʼaslemal pa kiwiʼ e nikʼaj chik y «rech ketzoqopitaj e kʼi winaq kitorik kʼiʼalaj winaq» (Mateo 20:28; Juan 15:13). Kamik Rey chik rech ri Uqʼatbʼal tzij ri Dios. Xa jubʼiqʼ chi kraj kusachisaj uwach ri kʼaxkʼolil junam rukʼ ri elaqʼ y ri kamisanik, y kuya na utzilal chke e juntir ri winaq cho ri uwach Ulew (Isaías 42:3).

Ri Biblia kuya ubʼixik jas ubʼanik ri uwach Ulew are chiʼ ri Jesús kusachisaj uwach ri kʼaxkʼolil:

•  «Man keriqtaj ta chi bʼanal taq etzelal; paneʼ sibʼalaj keʼatzukuj, man keʼariq ta chik. E areʼ taq kʼut ri e machʼalik kkechbʼej na ri uwach ulew kejeqiʼ na pa tzʼaqatalaj jamaril» (Salmo 37:10, 11).

¿Jas (Su) rajawaxik kqabʼano rech kqamaltyoxij che ri Jesús ri xubʼan pa qawiʼ y ri kubʼan na che qatoʼik? Rech kojtyoxin che, rajawaxik kqetaʼmaj más chrij «ri utz taq noticias re ri Uqʼatbʼal tzij Dios» rumal che are laʼ xubʼan predicar areʼ (Lucas 4:43). Chasikʼij wajun información riʼ «¿Qué es el Reino de Dios?».