Yan Zabolotnyi/stock.adobe.com
¡AMAQʼEL CHIXKʼASKʼATOQ!
Tajin knimataj ri itzelal pa ronojel ri uwach Ulew | ¿Jas kubʼij ri Biblia chrij wariʼ?
Ri itzelal che tajin kkibʼan ri pandillas k’i kʼax tajin kubʼan pa ri tinamit Haití. Pa Sudáfrica, México y nikʼaj chi tinamit re Latinoamérica tajin knimataj más ri itzelal. Paneʼ ri e winaq e kʼo pa jun lugar jawiʼ kʼo ta wi más itzelal tzkkixiʼj wi kibʼ rumal che kbʼan kʼax che ri jastaq ke o kelaqʼaxik.
¿Jas kubʼij ri Biblia chrij ri itzelal che kʼo cho ri uwach Ulew?
Ri Biblia ubʼim chi kanoq che knimataj na ri itzelal
Ri itzelal, ri elaqʼ y nikʼaj chi jastaq che kubʼan kʼax chke ri winaq tajin kukʼutunisaj che oj kʼo chi pa jun tiempo che ri Biblia kubʼij kʼisbʼal taq qʼij che (Mateo 24:3). Ri Jesús xchʼaw chrij ri kkʼulmataj na pa ri kʼisbʼal taq qʼij are chiʼ xubʼij wariʼ:
«Rumal ri ukʼiyirik ri etzelal, e kʼiʼa winaq kajarobʼ na ri kiloqʼobʼal kʼuʼx» (Mateo 24:12).
Ri Biblia kubʼij che «pa ri kʼisbʼal taq qʼijol» ri e winaq «man kkijikʼ ta kibʼ, e kʼanalaj taq winaq ri kkibʼan kikʼulel che ri utz» (2 Timoteo 3:1-5). Rumal we itzel taq bʼantajik riʼ y che ri e winaq kkibʼan ri kkaj kʼo kʼi kʼaxkʼolil cho ri uwach Ulew.
Pero kʼo jun eyebʼal kʼuxaj. Ri Biblia kubʼij che xa jubʼiqʼ chi kraj ksach na uwach ri itzelal.
«Pa kebʼ oxibʼ qʼij man keriqtaj ta chi bʼanal taq etzelal; paneʼ sibʼalaj keʼatzukuj, man keʼariq ta chik. E areʼ taq kʼut ri e machʼalik kkechbʼej na ri uwach ulew kejeqiʼ na pa tzʼaqatalaj jamaril» (Salmo 37:10, 11).
¿Jas más kubʼsal kʼuʼx kuya ri Biblia chrij ri petinaq? ¿Jasche kqabʼij che tajin ketzʼaqat ri profecías rumal ri tajin kkʼulmataj kamik? Chawetaʼmaj ri respuestas pa waʼ taq kʼutunem riʼ:
Jun utzalaj eyebʼal chrij ri petinaq
¿Cuál es la señal de “los últimos días” o “los tiempos finales”?