Juan
3 Fariseukunachömi Nicodëmu+ jutiyoq nuna karqan. Pëqa judïukunapa juk gobernadorninmi karqan. 2 Pëmi paqaspa Jesusman ëwëkur+ kënö nirqan: “Maestru,+ Teyta Dios pëwan mana këkaptinqa manam ni pï qam ruranqëki milagrukunataqa ruranmantsu,+ tsëmi qamtaqa Teyta Dios mandamushunqëkita musyayä”.+ 3 Tsënam Jesusqa nirqan: “Rasuntam qamta neq, pï nunapis yapë mana yurikurqa,*+ manam Diospa Gobiernunta rikanqatsu”.+ 4 Nicodëmunam nirqan: “¿Imanötan awkisna nunaqa yapë yurikunman? Mamampa pachanman yëkuykur yapë yurikuytaqa manachi puëdinmantsu, ¿aw?”. 5 Tsënam Jesusqa nirqan: “Rasunllatam qamta neq, pï nunapis yakupita y santu espïritupita+ mana yurikurqa,+ manam Diospa Gobiernunman yëkunqatsu. 6 Nunapita yureqqa nunam, y santu espïritupita yureqqa espïritum. 7 Ama espantakuytsu, ‘qamkunaqa yapëmi yuriyänëki’ ninqaqpita. 8 Vientuqa munanqanmanmi pükan, y büllanqanta wiyarpis, manam musyankitsu mëpita shamunqanta ni mëman ëwanqanta. Tsënöllam santu espïritupita yureqkunawampis pasan”.+
9 Tsënam Nicodëmuqa, “¿imanötan tsëkunaqa pasanman?” nir tapurqan. 10 Jesusnam,“¿Israelchö maestru këkarku tsëkunata musyankitsu? nirqan. 11 Rasunllatam qamta neq, noqakunaqa musyayanqäpitam parlayä y rikäyanqäpitam willakuyä, peru qamkunaqa manam willakuyanqäta chaskikuyankitsu. 12 Patsachö kaqkunapaq parlanqäta mana creikarqa, ¿imanöraq ciëluchö kaqkunapaq parlaptï creiyanki? 13 Manam ni pï nunapis ciëlumanqa witsashqatsu,+ sinöqa ciëlupita urämushqa kaqllam, Nunapa Tsurin.+ 14 Tsunyaq sitiuchö Moises culebrata warkunqannöllam,+ Nunapa Tsurintapis warkuyanqa,+ 15 pëman llapan creeqkuna imëyaqpis kawëta tariyänampaq.+
16 Nunakunata alläpa kuyarmi Teyta Diosqa japallan Tsurinta* pëkunarëkur entregarqan.+ Pëman markäkoqkuna o yärakoqkuna* mana ushakäyänampaq, sinöqa imëyaqpis kawëta tariyänampaq.+ 17 Teyta Diosqa manam nunakunata juzganampaqtsu Tsurinta mandamurqan, sinöqa pëwan nunakuna salvakuyänampaqmi.+ 18 Pëman markäkoqkunaqa o yärakoqkunaqa* manam juzgashqatsu* kayanqa.+ Peru pëman mana markäkoqkunaqa, Teyta Diospa japallan Tsurimpa jutinman mana markäkurmi juzgashqana kayashqa.+ 19 Kërëkurmi nunakunaqa juiciuchö condenashqa kayanqa: aktsim nunakunaman shamushqa,+ peru nunakunaqa rurayanqankuna mana alli kaptinmi, aktsita kuyayänampa rantin ampita o tsakëta* kuyayashqa. 20 Mana allikunata ruraqqa aktsitam chikin, y mana allikunata ruranqanta mana rikäyänampaqmi aktsiman shamuntsu. 21 Peru allita ruraqqa, ruranqankuna Teyta Dios munanqannö kanqanta rikäyänampaqmi aktsiman shamun”.+
22 Tsëpitanam Jesusqa qateqninkunawan juntu Judëa kinrëchö caserïukunaman charqan, y tsëchömi nunakunata bautizar pëkunawan juk tiempupa karqan.+ 23 Juanpis Salimpa amänun Enonchö atska yaku kaptinmi, nunakunata bautizar tsëchö këkarqan,+ y nunakunaqa pëman ëwarmi bautizakuyaq.+ 24 Tsë witsanqa manam carcelchöraqtsu Juanqa këkarqan.+
25 Tsënam Juanpa qateqninkunaqa, Teyta Diospa rikëninchö imanö limpiu këpaq juk judïuwan discutiyarqan. 26 Tsëpitanam Juanman ëwëkur kënö niyarqan: “Maestru, Jordan mayupa* wak tsimpanchö qamwan këkaq nunam. Awmi, pëpaq willakunqëki+ nunam nunakunata bautizar këkan, tsëmi llapankuna pëman ëwëkäyan”. 27 Tsëta contestarnam Juanqa kënö nirqan: “Manam ni pï imatapis chaskinmantsu, Teyta Dios mana entregaptinqa. 28 Kikikikunam, ‘noqaqa manam Cristutsu kä,+ sinöqa pëpa puntantam mandayämashqa’+ ninqäta wiyayarqëki. 29 Novium noviataqa katsin.+ Peru noviupa amänunchö këkar parlanqanta wiyarqa, noviupa amïgunqa alläpam kushikun. Tsëmi kananqa alläpa kushishqa këkä. 30 Pëqa maskunata rurarmi punta puntachö kanqa, peru noqaqa mënusllatana rurarmi qepachöna quedashaq”.
31 Ciëlupita shamoqqa, llapanchömi wakinkunapita mas puntachö këkan.+ Patsapita kaqqa, patsapita karmi patsachö kaqkunapaq parlan. Peru ciëlupita shamoqqa, llapanchömi wakinkunapita mas puntachö këkan,+ 32 y rikanqampita y wiyanqampitam willakun.+ Tsënö kaptimpis manam ni pï willakunqanta chaskikuyta munantsu.+ 33 Willakunqanta chaskikoqqa, Teyta Dios rasumpa kaqllata parlanqantam cläru rikashqa.+ 34 Teyta Diosqa manam wallkallawantsu* santu espïritunwan yanapakun, tsëmi Teyta Dios mandamunqan kaqqa, Teyta Dios ninqankunata parlan.+ 35 Tsurita kuyarmi Teytaqa+ imëkata cargunman churashqa.+ 36 Tsuriman markäkoqqa o yärakoqqa, imëyaqpis kawëtam tarinqa,+ peru Tsurita mana cäsukoqqa manam imëyaqpis kawëta tarinqatsu,+ sinöqa Teyta Diosmi pëwan imëpis cölerashqa këkanqa.+