¿Imakunatataq yachakushwan kikintsik Bibliata estudiarnin y Familiachö Diosta Adorana Höra?

Jehovätaqa mëtsika wawqi panikunawanmi reunionkunachö y asamblëakunachö adorantsik. Tsënö kaptimpis, familiantsikwan y japallantsikpis adorantsikmi. ¿Peru imakunatataq yachakushwan? Juk ishkëllata rikärishun:

• Reunionchö imakunata yachakunapaq kaqtam alli yachakushwan. Capazchi cancionkunata yachakushwan y reunionchö parlakurinapaqpis familiantsikwan shumaq preparakurishwan.

• Diospa unë sirweqninkunapitam Bibliachö yachakushwan. Tsëpitanam leyinqantsikman alli pensëkur dibujashwan o qellqashwan.

• Diospa unë sirweqninkuna imanö mañakuyanqampitam Bibliachö estudiashwan. Tsënöpam Diosnintsikman mas alli mañakushun.

• JW.ORG päginachö videukunatam rikashwan. Tsëpitanam imata yachakunqantsikta familiantsikwan parlakurishwan o rikanqantsikpita mas gustamanqantsikkunata qellqarishwan.

• Diospita yachatsikunapaqmi alli preparakushwan, y kutin kutinmi yachakushwan.

• Jehovä kamanqankunatam rikashwan y pëpita imata yachatsimanqantsikmanmi pensashwan. Familiantsikwan karninqa, rikanqantsikpita imata yachakunqantsiktam parlakurishwan.a