Estudio biblicota qallanëkipaq churapukë
1 Jesusmi qateqninkunata nerqan: “Alleq cäyiyë. Chacracunacho miquicuna elluyänequipaq poqurishqa cuentam nunacuna quecayan” (Juan 4:35). Kë textochö nenqannömi cristianokunapis kanan rurëkäyan.
2 Hatun kaq asambleakunachö, ishkë hunaq kaq asambleakunachö, y huk hunaqlla kaq asambleakunachö atskaq bautizakoqta rikarmi, musyantsik Jehovapita yachakïta munaqkunata tarikanqantsiktaraq. Estudio biblicota rasumpëpa tarita munarqa, ¿imataraq rurankiman?
3 Churapukänëkim: Puntataqa kikikim churapukänëki estudio biblicota qonëkipaq. Willapäkïman yarqorqa, yarpänëkim estudio biblicota qallëta munanqëkita. Rasumpaqa, llapantsikmi willapäkïnintsikta miratsita tïrashwan y estudio bíblico qoytapis, Diosnintsikqa mandamashqantsik manam willapäkunallapaqtsu, yachatsikunapaqwanmi (Mat. 24:14; 28:19, 20).
4 Imakunataraq rurashwan: Manam Jehovaman mañakïtaqa haqishwantsu. Höraqa Diospita yachakïta munar mañakushqakunatam tarintsik. Jehovaman mañakorqa, tsë nunakunata tarishunmi yachatsinapaq (Ageo 2:7; Hech. 10:1, 2).
5 Huk panish Jehovata mañakunaq, huk estudio biblicota tarinampaq. Tsëpitanash trabajanqancho haqinaq atska tratadokunata nunakuna rikäyänampaq. Tsënash, huk warmi huk tratadota tsarirkur leirinaq y qellqar qallëkunaq tratadopa 6 kaq päginanman, tsëpitanash paniqa parlapärinaq y huk estudio biblicotash pëwan qallanaq.
6 Estudio bíblico qalleta yachaq publicadorkunam, yanapayäshunki huk estudiollatapis tarinëkipaq. Tarinqëkiyaqqa Diosta mañakïkänëkiran y llapan yachatsikïkunatam wiyakunëki. Tsë yanapakïkunata wiyakurnenqa, itsa qampis kushishqa këkankiman estudio biblicota qornin.