DIOSNINTSIKTA ALLI SIRWINAPAQ
Jehovä rikäshunqëkinö rikäkuy
“Teyta Jehoväqa sirweqninkunawanmi alläpa kushishqa këkan” (Sl 149:4). Mana allita ruraq kashqapis, Jehoväqa alli ruranqantsikkunatam rikan. Tsënö kaptimpis, höraqa Jehovä rikämanqantsiknö rikäkuyqa manam fäciltsu kanman. Capaz mana väleqnöqa sientikuntsik wakinkuna mana alli tratamashqa o mana allikunata ruranqantsikta yarpar Jehovä mana kuyamanqantsikta pensashwan. Tsënö sientikushqaqa, ¿imatan yanapamäshun?
Yarpäshun Jehoväqa manam nuna rikanqanllatatsu rikan (1Sa 16:7). Jehoväqa noqantsik mana rikanqantsiktam rikan. Bibliata leyinqantsikmi yanapamäshun noqantsikchö imakunata Jehovä rikanqanta musyanapaq. Bibliata estudiarmi Jehovä sirweqninkunata kuyanqanta entiendishun.
JEHOVÄ KUYAMANQANTSIKTA SEGÜRU KASHUN NEQ VIDEUTA RIKÄRIR, KËKUNATA CONTESTË:
Jehovä kuyamanqantsikta musyanapaqqa, ¿imatataq cörreq jövinpita y papänimpita yachakuntsik?
Pipis jutsampita arrepentikushqa kar y Jehoväwan amïgu kanampaq kallpachakuykarqa, ¿imanötan Teyta Dios kuyanqanta següru kanman? (1Jn 3:19, 20).
Davidpita y Jehosafatpita Bibliachö leyinqan y tsëman pensanqanqa, ¿imanötan videuchö wawqita yanaparqan?