YAĈHAKUNA 02
Bibliaqami manana llakirnachu kawsashun nir yaĉhachimanchik
Entero pachapimi, runakunaqa achka problemayjun kar, qischakar, llakir, kwashalla ima kawsanllapa. ¿Qampis chaynuchu kawsayanki? Qischakayanki kanqa qishaq kar manaqa aylluyki wanusha katin, chaymi niyanki kanqa, “tukuy tiempo kaynu kawsar siguishaq” nir. Bibliaqa allita intrachimanchik manana qischakashunllapanachu ashwan tukuy tiempopaq kusala shumaqta kawsashunllapa nir.
1. ¿Imatataq Diosqa Bibliawan arnimanchik?
Bibliaqa intrachimanchik imapaqtaq kay pachapiqa kusala achka problemakuna kan nir. Chaynullapis, nimanchik kay problemakunaqa uk día manana kanqanachu nir. Ajari, Diosqa Bibliapi tukuyta arnimashanchik “shamuq tiempopiqa kusala shumaqta kawsanaykillapata munayani” nir (liyiy Jeremías 29:11, 12, NWT). Bibliapi yaĉhakushanchikqa yanapamashun ama masiaw kwashalla kanapaq problemayjun karmapis. Chaynullapis, yanapamashun tukuy tiempo kusala alegre kawsanallapapaq.
2. ¿Imatataq Bibliaqa nimanchik shamuq tiempopaqqa?
Bibliaqa nimanchik shamuq tiempopiqa, “mayqanpis waqaqkunaqa mana waqanqallapanachu. Chaynulla manami llakinqallapa, wanunqallapa, nanachikunqallapalamapischu” nir (liyiy Apocalipsis 21:4). Problemakuna manana katin manana qischakashunllapanachu, manana ayllunchikkuna mallaqpaq qischakanqanachu, manana mayqanpis qischamashunnachu, manana qishashunnachu, chaynullapis manana wanushunllapalamapischu ima. Bibliapis arnimanchik tukuy runakunaqa manana wanurnachu tukuy tiempopaq kawsanqallapa kay pacha kusala shumaqpaq tikrakatin nir.
3. ¿Imataq yanapashunqa Biblia nishanpi allita confiakanaykipaq?
Achka runakunaqa llakiykuna tukukananta munayanllapa, pero mana allita yaĉhanllapachu kay problemakunaqa kabaltachu tukukanqa manaqachu mana nir. Biblia nishan-shuypaqa ciertota cumplikanqa. Biblia nishanpi allita confiakayta puytinapaqqa, ‘waran waran [manaqa cada día] kusata liyiypaq, chiqapchu [manaqa verdadchu] kanqa chay yaĉhachikuyashanllapaqa nir’ yaĉhanapaq (Hechos 17:11). Chaynu qamlla cuentata qukanki Dios Bibliapi arnimashanchikqa ciertota cumplikanqa nir.
MAS INTRAKASHUNLLAPA
Yaĉhakushun ima bendicionkunatataq Diosqa Bibliapi arnimashanchik shumaq kawsanapaq. Yaĉhakushunllapapis imanutaq wakin runakunaqa chay bendicionkunapi yarpur alegre kawsayanllapa nir.
4. Bibliaqa arnimanchik tukuy tiempo kusala shumaqta kawsashunllapa nir
Rikay kusala achka bendicionkunata Dios Bibliapiqa arnimashanchikta.
Liyiyllapa tukuy textokuna mas uralawpi kaqta, chaymantaqa kaykunamanta parlayllapa:
¿Imaninkitaq? ¿Animachishunchu chay Bibliapa textonkunaqa? Aylluykikunatapis, amigoykikunatapis, ¿chay textokunaqa yanapayta puytiyanqachu?
Mushuq pachapiqa kaynu kawsashunllapa:
MANANA |
TUKUY RUNAKUNA |
|---|---|
|
|
|
|
|
|
|
|
|
|
5. Dios Bibliapi arnimashanchikqa kay tiempokunapi shumaq kawsanapaq yanapamanchik
Achka runakuna manana imapipis creyinllapanachu. Wakinkunaqa kusa piñakushala kawsanllapa achka problemakunata rikar. Chaymi, wakin runakunaqa problemakunata kamakachiyta kamayanllapa. Yaĉhakuy imanutaq kay tiempopiqa, Dios Bibliapi arnimashanchikqa achka runakunata yanapayan nir. VIDEOTA rikayllapa, chaymantaqa kaykunamanta parlayllapa:
Videota rikashanchiknu, Rafika shutiq warmisitataqa, ¿imataq mana gustaqchu?
Saqra imakuna mana tukukaranchu, pero, ¿imanutaq Bibliaqa Rafikata yanaparan?
Dios Bibliapi arnimashanchikqa yanapamayninchikta puytin ama masiawta yarpupakur ashwan problemakuna katinmapis ama desanimakarchu alegre kawsanapaq. Liyiyllapa Proverbios 17:22; Romanos 12:12 ima, chaymantaqa kaykunamanta parlayllapa:
Bibliapi bendicionkunata tarishaykiqa, ¿yanapashunchu kay tiempopi alegre kawsanaykipaq? ¿Imaraykutaq?
WAKINKUNAQA KAYNU YARPUNLLAPA: “Biblia nishanqa imash cumplikanqa”.
Tukuy Biblia niyashan cumplikayatinqa, ¿Bibliamantaqa yaĉhakur siguiypaqchu? ¿Imapaqtaq?
KAYKUNATA YAĈHAKUSHANCHIK
Diosqa Bibliapi arnimanchik kusala alegre kawsashunllapa nir, chaymi problemakuna katinmapis shachinakur alegre kawsayta puytishunllapa.
¿Imataq ninkiman?
¿Imapaqtaq runakunaqa animachinanllapata ministinllapa?
¿Imatataq Bibliaqa nimanchik shamuq tiempopaqqa?
Shamuq tiempopi shumaq kawsashunllapa nir yaĉhayqa, ¿imanutaq yanapashun?
MAS YAĈHAKUNAYKIPAQ
Yaĉhakuy imanutaq Dios Bibliapi bendicionkunata arnimashanchikqa yanapashuyta puytin nir.
“Esperanza: ¿dónde hallarla?” (¡Despertad!, 22 de abril de 2004)
Rikay imanutaq Bibliaqa qishaqkunata animachir yanapasha ama masiawta llakir kawsananllapapaq.
“¿Puede la Biblia ayudarnos a sobrellevar una enfermedad?” (Artículo de jw.org)
Kay videota rikarqa, yarpuy aylluykiwan pulla mushuq pachapi kusala shumaqta kawsaq yupayna.
Liyiy imanutaq Bibliaqa yanaparan uk runata Diospa Gobiernonpi confiakananpaq.
“Ya no siento la necesidad de cambiar el mundo” (La Atalaya, 1 de julio de 2013)