YAĈHAKUNA 12
¿Imataq yanapashunqa Bibliamanta yaĉhakur siguinaykipaq?
Bibliamanta yaĉhakuyqa kusala shumaq, pero mana facilchu. Ichapis yarpunkiman “mana Bibliataqa may diapis yaĉhakuyta puytishaqchu” nir. ¿Imapaqtaq kusalata esfuerzakaypaq Bibliataqa estudiar siguinapaq problemayjun karmapis?
1. ¿Imapaqtaq Bibliata estudiaypaq?
‘Diospa rimayninqami chiqapta [manaqa ciertota] kawsaq kar riman’ (Hebreos 4:12). Diosqa Bibliawan kusalata munashuni, llakipashuni ima nir willamanchik. Chaynullapis Bibliawan yaĉhachimanchik allin imakunata rurayta yaĉhanapaq, shamuq tiempopi shumaqta kawsayta puytinapaq ima. Bibliala yanapashuyta puytin Diospa amigon kanaykipaq. Cada día liyitkiqa Bibliaqa yanapashunqa allin imakunalata rurar kawsanaykipaq.
2. ¿Imapaqtaq Bibliaqa kusala shumaq regalo nuqanchikkunapaqqa?
Tukuy Bibliapi yaĉhakushanchikqa kusala shumaq regalo nuqanchikkunapaq. Chayraykumi, Bibliaqa animachimanchik “Chiqap [manaqa cierto] kaqta, […] rantiy. Kaykunataqami ama rantikuychu” (Proverbios 23:23) Biblia nishanqa kusala shumaq regalo, chayrayku kusala achka problemayjun karmapis ama estudiaytaqa dejankimanchu (liyiy Proverbios 2:4, 5).
3. ¿Imanutaq Jehová Diosqa yanapashunqa Bibliata yaĉhakur siguinaykipaq?
Jehová Diosqa kusala poderniyjun kar, allita qamtaqa riqsishun. Chaynullapis, payta mas allita riqsinaykipaq yanapashuyta puytin, chaymi Bibliaqa nin: ‘Taytanchikllapa Diosqami animachishur yanapashunqallapa allinlatana ruranaykillapapaq, pay munashannulana’ (liyiy Filipenses 2:13). Jehová Diosqa fuerzata qushunqa Bibliamanta yaĉhakur siguinaykipaq, achka problemayjun karmapis pay munashanta rurar kawsanaykipaq, manaqa wakinkuna mana estudianaykita munatinmapis estudiar siguinaykipaq. Chaynullapis, Diosta mañakuy fuerzata qushutin yaĉhakur siguinaykipaq (1 Tesalonicenses 5:17).
MAS INTRAKASHUNLLAPA
Yaĉhakunki imatataq rurankiman ama imapis Bibliamanta yaĉhakunaykipaq arkashunanpaq, tiempoykita urqunaykipaq ima. Yaĉhakunkipis imatataq Jehová Diosqa ruranqa yanapashunanpaq, ama Bibliamanta yaĉhakuyta dejanaykipaqchu ima nir.
4. Tiempoykita urquy Bibliamanta yaĉhakunaykipaq
Achka imanchikkuna kan ruranallapapaq, chayrayku Bibliata liyinapaqqa mana tiemponchik kanmanchu. ¿Imatataq rurayta puytinchik? Liyiyllapa Filipenses 1:10, chaymantaqa kaykunamanta parlayllapa:
Qampaqqa, ¿imakunataq mas allinqa?
¿Imatataq rurankiman ama imapis Bibliamanta yaĉhakunaykipaqqa arkashunanpaq?
naypaqtaqa aquta untachir chaymanta rumikunata itatkiqa, mana tukuynin rumikunaqa yaykunqachu, ¿manchu?
naypaqta rumikunata itasha-shuypaqa limpula aquqa baldeman yaykunqa, ¿manchu? Chaynumi naypaqta allin imakunata ruratkiqa tiempoyki kanqa mas achka imakunata ruranaykipaq.
Bibliamanta yaĉhakuyqa yanapamanchik Diosta alabanapaq, payman qimikanapaq ima. Liyiyllapa Mateo 5:3, chaymantaqa kaykunamanta parlayllapa:
Tukuy tiempo Biblianchikta estudiashaqa, ¿yanapamashunchu?
5. Bibliamanta yaĉhakur siguiy ¡ama shaykuychu!
Aylluykikuna, amigoykikuna ima imanupiqa Bibliamanta yaĉhakunaykitaqa mana munanqallapachu. Pero rikay imatataq Franciscoqa ruraran nir. VIDEOTA rikayllapa, chaymantaqa kaykunamanta parlayllapa:
¿Imatataq Franciscopa ayllunkuna, amigonkuna ima ruraranllapa desanimachinanllapapaq?
¿Imanutaq Franciscotaqa Bibliamanta yaĉhakuyqa yanaparan?
Liyiyllapa 2 Timoteo 2:24, 25, chaymantaqa kaykunamanta parlayllapa:
¿Aylluykikuna, amigoykikuna ima yaĉhakuyashaykitaqa allitachu rikan?
2 Timoteo 2:24, 25 nishannu, ¿imatataq rurankiman wakinkuna mana Bibliamanta yaĉhakunaykita munatinqa?
6. Jehová Diospi confiakay, paymi yanapashunqa
Jehová Diosta mas riqsirqa, mas alegriyachiyta munashun. Pero mana facilchu Dios munashanta rurayqa. Chaynu sintiyarmapis ama desanimakaychu, Jehová Diosmi yanapashunqa. VIDEOTA rikayllapa, chaymantaqa kaykunamanta parlayllapa:
Videopi rikashaykinu, ¿Jimqa ima saqra imakunatataq dejaran Dios munashanlata rurar kawsananpaq?
¿Imatataq yaĉhakunki Jimta pasashanmanta?
Liyiyllapa Hebreos 11:6, chaymantaqa kaykunamanta parlayllapa:
¿Imanutaq Jehová Diosqa yanapanqa payta riqsiyta munaqkunata?
¿Imanutaq Jehová Diosqa sintiyanqa kusalata Bibliamanta yaĉhakunaykipaq esfuerzakaqta rikashurqa?
WAKINKUNAQA KAYNU NISHUNMANLLAPA: “¿Imapaqtaq qamqa Bibliata estudiayanki?”
¿Ima nirtaq qamqa willankiman?
KAYKUNATA YAĈHAKUSHANCHIK
Bibliamanta yaĉhakuyqa mana facilchu, pero yanapashunqa tukuy tiempo shumaqta kawsanaykipaq, Jehová Diospi confiakanaykipaq, achka bendicionkunata aypanaykipaq ima.
¿Imataq ninkiman?
¿Imapaqtaq Biblia nishanqa kusala shumaq regalo qampaqqa?
¿Imakunatataq rurankiman Bibliata yaĉhakur siguinaykipaq?
¿Imapaqtaq Jehová Diosta mañakunkiman Bibliata estudiar siguinaykipaq?
MAS YAĈHAKUNAYKIPAQ
Yaĉhakuy imanutaq cuatro consejokuna achka runakunata yanaparan tiemponta provechananpaq.
“Cómo invertir sabiamente el tiempo” (¡Despertad!, febrero de 2014)
Uk warmisita kusalata Diosta servinayaran pero qusanqa mana munayaranchu, rikay imanutaq Diosqa yanaparan nir.
Jehová nos da las fuerzas para llevar nuestras cargas (5:05)
Rikay imanutaq uk warmisita Dios munashanta rurar kawsarqa qusanta yanaparan nir.
Wakin runakunaqa ninllapa: “Jehová Diospa testigonkunaqa ayllukunata ĉhiqninakuchinllapa”, ¿chaynuchu kanqa? Liyiy:
“¿Separan los testigos de Jehová a las familias, o las unen?” (Artículo de jw.org)