LECCIÓN 6

Bibliamunda textogunada alli explicai

Juan 10:33-36

RESUMEN: Bibliamunda shuj textoda liyishaga, na rratollu yachachish catina gangui. Textogunaun y yachachisha nishca yuyaigunaun chimbapurash igual gashcada rricuchi.

¿IMASHINADI RRURRANA GANGUI?

Importante palabragunada agllash yachachi. Bibliamunda shuj textoda liyishca jipami, importante yuyaigunaun yachachish respuesta Bibliabi tiyashcada cuenta cullun ayudana gangui. Chaibuga importante yuyaigunada repitina gangui o liyishca textomunda shuj tapuida rrurrai pudingui.

Bibliamunda shuj textoda canbu propio palabragunaun nijushash, yachachijushca temada genteguna intindillun ayudai.
Yachachigrijushca temada alli intindichi. Shuj textoda narij liyishmi, chai textoda imamunda liyigrijushcada rricuchina gangui, jipaga can yachachijushca temaun y can liyijushca textoun igual gashcada intindichi.

Yachachijushaga Bibliadami pascashca charina gangui. Shinami, can yachachijushca tema Bibliamunda japishca gashcada rricunajunga.
Jahualla shimigunaun explicai. Chai rrato yachachijushca temalladami yachachina gangui. Na rratollu cutishuj temagunamunda yachachina gangui. Alli intindillunga can yachachijushca temamunda genteguna mashna yachashcada rricushmi yachachina gangui.