Alli huillajcuna tucushunchij: Diosmanta huillangapaj alli parlashpa callari

Jesusca alli parlai callarishcamantami samaritana huarmiman Diosmanta huillai tucurca. ¿Mana rijsishca gentecunahuan ima shinataj parlai callari tucunchij?

• Tucui laya gentecunahuanmi alli parlana canchij. Jesusca shaicushca cashpapish asha yacuta cuhuai nishpami samaritana huarmihuan parlai callarirca. Chashnallatajmi ñucanchijpish gentecuna munashca yuyaicunamanta parlana canchij. Por ejemplo noticiapi imata uyashcamantami parlai tucunchij. Mana parlasha nijpica mana llaquirinachu canchij. Ashtahuanpish shujtajcunahuan parlanatami mashcana canchij. Pihuanpish parlai callarinata ama manchangapajmi Jehová Diosta ayudahuai nishpa mañana canchij (Ne 2:4; Hch 4:29).

• Alli huillaicunata huillangapajca asha ashami parlai callari tucunchij. Rato huillasha nijpica gentecunaca manachari uyasha ningacuna. Yayitu Jehovamanta manaraj huillashpa ña mana parlai tucushpaca mana desanimarinachu canchij. Diosmanta parlanataca mana valishachu yuyashpaca imamantapish parlai tucunchijllami. [Video 1-ta ricuchishca huasha minishtirishca yuyaicunamanta parlai].

• Ña parlai callarishpaca ima shina Jehová Diosmanta huillanatami ricuna canchij. Por ejemplo ñucanchij crishcacunamanta ashata parlai tucunchij. Chaipimi gentecunaca tapuicunata rurai callaringacuna. Samaritana huarmi ashtahuan yachana munaita charichunmi Jesuspish chashna rurarca. Qꞌuipaca chai huarmica huaquin tapuicunata rurai callarirca. Jesusca chai tapuicunata cutichishpami Diosmanta huillarca. [Video 2-ta ricuchishca huasha minishtirishca yuyaicunamanta parlai. Video 3-ta ricuchishca huasha chashnallataj rurai].