Sololla sintirij achca gentecunaca, ¿ama chashna sintiringapajca imatataj rurai tucuncuna?

• “Estados Unidospi 18 huatacunamanta huichiman charijcunamantaca chaupi yalli gentecunami sololla sintirincuna. Paicunapuramanta ashtahuantajca 18-manta 25 huatacunata charij jovencunami sololla sintirincuna” ninmi (Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community [Informe de la máxima autoridad en salud pública de Estados Unidos sobre la soledad y el aislamiento], 2023).

• “Sololla sintirina ungüita mishangapajmi shuj grupo gentecunata investigachun agllashcacuna. Caita investigajcunaca chashna ungüita charijcunatami shujtajcunahuan ashtahuan apanacuchun animacushcacuna. Shinallataj pobrella caj llajtacunapipish cai ungüita charijcunata ima shina ayudai tucushcatami ricucushcacuna” (Organización Mundial de la Salud, 15 de noviembre de 2023 OMS).

Bibliapaj consejocunaca sololla ama sintirichun imata rurana cashcatami yachachin.

Bibliapaj consejocuna

Shujtajcunahuan pasangapaj esforzari. Internetllapi pasanapaj randica shujtajcunahuan imallatapish rurangapaj tiempota surcui. Shinallataj shujtajcunahuan alli amigos cangapajpish esforzari.

• Proverbios 17:17-pica: “Alli apanacuj runaca paihuan apanacujtaca, tucui causaipimi cꞌuyan. Ima llaqui japijpipish, quiquin huauqui shinami llaquin” ninmi.

Shujtajcunata ayudangapaj listo cai. Shujtajcunamanta imallatapish rurashpaca paicunahuanmi ashtahuan alli apanacungui. Shinallataj chaita rurashcamanta alli sintirishpami ashtahuan cushilla causangui.

• Hechos 20:35-pica: “Cujmi chasquijtapish yalli cushicun” ninmi.

Alli amigocunata charisha nishpaca Bibliapaj ashtahuan consejocunata mashcai. Chaipajca jw.org paginaman yaicui.