¿Diosca pitaj can?

Cai tucui huatacunatami gentecunaca achca dioscunata adorashcacuna. Pero Bibliapica, shujlla Diosmi “tucui dioscunata yalli jatun” cashcata huillan (2 Crónicas 2:5). ¿Pitaj can? ¿Imamantataj pailla jatun Dios can? Cai yachaipica Yaya Dios paita rijsichun munashcatami ricushun.

1. ¿Diosca ima shutitaj can? ¿Paita rijsichun munashcataca ima shinataj yachanchij?

Bibliapica Diosllatajmi: “Ñucaca Jehovami cani. Chaimi ñuca shutica” can ninmi (Isaías 42:​8, La Biblia. Traducción del Nuevo Mundo [NWT]). Jehová shutica hebreo shimipica “Ñucaca ñuca ima tucusha nishcami tucusha” nisha ninmi. Jehová Diosca tucuicuna paipaj shutita rijsichunmi munan (Éxodo 3:​15). Chaimantami paipaj shutitaca Bibliapica casi 7.000 cutin escribichishca.a “Jahua pachapipish, cai pachapipish” Taita Diosllami Jehová shutita charin (Deuteronomio 4:​39).

2. ¿Bibliapica Jehová Diosmantaca imatataj yachachin?

Bibliapica gentecunaca achca dioscunatami adoran ninmi. Pero Jehová Dioslla jatun Dios cashcatami huillan. ¿Imamantataj Bibliapica chashna nin? Jehová Diosllami “tucui cai Allpata Jatun mandaj” can (Salmo 83:​18, NWT). Yaya Diosca tucui poderta charishcamantami imatapish rurai tucun. Jahua pachapi imalla tiyajcunatapish, cai pachapi imalla tiyajcunatapishmi rurarca (Apocalipsis 4:​8, 11). Paillami “huiñaimanta huiñaicama” tiyaj Dios can (Salmo 90:​2).

3. Diosca achca titulocunata charishpapish shuj solo shutitami charin

Shuj tituloca shuj shutihuan mana igual cashcata ricui. VIDEOTA ricui. Qꞌuipaca cai catij tapuitami yachashun:

VIDEO: Diosca shujlla shutitami charin (0:​41)

• ¿“Señor” nina o shuj shutipi cayanaca imamantataj mana igual can?

Bibliapica, gentecunaca achca dioscunata, achca señorcunatami adoran ninmi. Salmo 136:​1-3-ta liyipai. Qꞌuipaca cai catij tapuitami yachashun:

• ¿Tucui dioscunapaj Dios, tucui señorcunapaj Señorca pitaj can?

4. Jehová Diosca paipaj shutita rijsichun, paipaj shutita nombrachunmi munan

VIDEO: ¿Diosca ima shutitaj can? (Shuj partella) (3:​11)

• ¿Jehová Diosca paipaj shutita yachachun munashcataca imamantataj cringui?

Jehová Diosca paipaj shutita nichunmi munan. Bibliapica: “Jehová Diospaj shutita nishpa mañajcunaca tucuicunami quishpiringacuna” ninmi (Romanos 10:​13, NWT). Cai catij tapuicunatapishmi yachashun:

• ¿Jehová shutita ninaca imamantataj valishca can?

• ¿Pi cambaj shutita yuyarishpa, cambaj shutipi cayajpica ima shinataj sintiringui?

• ¿Jehová Diosca paipaj shutita nombrajpica ima shinashi sintiringa?

5. Jehová Diosca paipaj amigo tucuchunmi munan

VIDEO: Yaya Diostami mashcarcani (8:​18)

• Videopi ricurij huarmica Diospaj shutita yachashpaca imatataj rurarca?

Pihuan amigarisha nishpaca puntaca paipaj shutitami yachana cangui. Santiago 4:8 callari partellata liyipai. Qꞌuipaca cai catij tapuicunatami yachashun:

• ¿Jehová Diosca can imata rurachuntaj munan?

• ¿Diospaj shutita yachashpa, paipaj shutita nishpaca ima shinataj paipajman cꞌuchuyangui?

YUYARISHUNCHIJ

Diospaj shutica Jehovami can. Diosca paipajman cꞌuchuyachunca paipaj shutita yachachun, paipaj shutipi cayachunmi munan.

Yuyaringapaj tapuicuna

• ¿Imamantataj Jehová Diosca shujtaj dioscunamanta chꞌican can?

• ¿Jehová shutita ninaca imamantataj importante can?

• ¿Jehová Dios paipajman cꞌuchuyachun munashcataca ima shinataj yachanchij?

CAICUNATAPISH RICUI

Yaya Dios imamanta tiyashcata ricui.

“¿Diosca de verdadchu tiyan?” (jw.org paginapi ricui)

¿Dios tiyashcataca imamantataj cringui?

“¿Diostaca pitaj rurarca?” (Huillaj, 1 de agosto 2014)

Ñaupa punllacunapi Diospaj shutita ima shina nijcuna cashcata mana alli yachashpapish imamanta cunan cai shutita nijcuna cashcata yachai.

“¿Jehová Diosca pitaj can?” (jw.org paginapi ricui)

¿Diospaj shutitaca ima shinapish ninallachu canchij? Imamanta Yaya Dios shuj shutita charishcata yachai.

“¿Yaya Diosca mashna shuticunatataj charin?” (jw.org paginapi ricui)