4 KAQ YACHACHIKUY
¿Imanasqam Traducción del Nuevo Mundo Bibliata ruraniku?
República Democrática del Congo
Ruanda
Griego rimaypi versión de Símaco (siglo III o IV) nisqan qellqapim Diospa sutin kachkan Salmo 69:31 nisqanpi
Jehová Diospa testigonkunaqa huk Bibliakunatam unay watakuna servichikurqaniku, rurarqaniku hinaspa aypurqaniku. Ichaqa tiempopa risqanman hinam allinpaq qawarqaniku ‘cheqap yachachikuymanta’ runakuna mana sasachakuspalla allinta entiendenankupaq yanapaqnin Bibliata tikranaykupaq, chay Bibliatam sutichaniku Traducción del Nuevo Mundo nispa (1 Timoteo 2:3, 4). Ichaqa wakillantaraqmi ingles rimaypi imam kaqta tikrarqaniku. Chaymi 1950 kaq watapi aypunapaqña karqa. Tiempopa risqanman hinataqmi 130 masnin rimaykunapipas tikrarqaniku.
Mana sasachakuspa entiendenapaq Bibliatam necesitakurqa. Tiempo pasasqanman hinam runakunaqa hukniraqtaña rimanku, wakin Bibliakunapiqa sasa entiendenapaq kaq otaq manaña rimasqanku palabrakunawanmi qellqasqa kachkan. Chaymantapas runakunam tarirqaku ñawpa tiempopi hebreo, arameo hinaspa griego rimaykunapi Bibliapa imam nisqanmantapuni entiendenapaq qellqakunata.
Diospa nisqanman hina yachachiq Bibliatam necesitakurqa. Biblia tikraqkunaqa manam munasqankuman hinachu tikrananku aswanqa Diospa qellqachisqanman hinam tikrananku. Ichaqa yaqa lliw Bibliapim Diospa sutin Jehová mana rikurinchu.
Diospa sutin hatunchaq Bibliatam necesitakurqa (2 Samuel 23:2). Uray patanpi ñawpa qellqapi qawasqanchikman hinam Diospa sutinqa yaqa 7.000 kutita rikurin Traducción del Nuevo Mundo nisqa Bibliapi, chay sutitam maymi kananpi kaqmanta qellqarunku (Salmo 83:18, NM). Chay Bibliata ruraqkunaqa unay watakunam allinta yachaykuspa otaq estudiaspanku tikrarqaku, chaymi Diospa yachachikuyninkunaqa allintapuni entiendekun. Chay Biblia otaq huk Bibliapas kapusuptikiqa kallpanchaykikum sapa punchaw leenaykipaq (Josuey 1:8; Salmo 1:2, 3).
¿Imanasqam Traducción del Nuevo Mundo nisqa Bibliata tikrarqaniku?
¿Imatam sapa punchaw rurananku Diospa munayninmanta yachay munaqkunaqa?