¡Llaqta Cuidaq qellqamanta sumaq willakuykuna!
Kunanmantapacham huñunakuypi estudianapaq Llaqta Cuidaq qellqaqa qaranpi sumaq dibujoyoqkunaña lloqsimunqa, chaynapi Bibliapa sumaq yachachikuyninkunata allinta entiendenapaq (Sal. 1:2; 119:97).
Kay qellqaqa yaqa tawa watañam lloqsimurqa iskayman rakinasqa: hukninmi karqa predicanapaq, hukninñataqmi Testigokunapaqwan Bibliamanta yachay munaqkunapaqpas.
Unay wataña Diosta serviq iñiqmasinchikmi kaynata qellqamurqa: “‘¡Mayna allinmi cheqap yachachikuymanta kaynata estudiayqa!’ Chaynatam piensarqani huñunakuypi estudianapaq Llaqta Cuidaq qellqa chayllaraq lloqsiramuptin. Sasa yachachikuykunamanta imayna willakusqanmi sonqoyman chayarun. Anchatam agradecekuni kay sumaq yanapakuymanta”, nispa. Huk iñiqmasinchikpas nirqam: “Anchatam tiempochakuyta munachkani kay qellqata Biblia con referencias nisqawan estudianaypaq”, nispa. Munanikum qampas chayna tanteakunaykita.
¿Yuyankichu haykapimanta kay qellqa lloqsimusqanta? ¡1879 watamantapacham! Arí, chayqa Diospa espiritunpa yanapakuynillanwanmi atikurqa (Zac. 4:6). Kay 133 pasaq watakunapiqa, kay qellqanchikpa qaranqa tukuy rikchaqmanmi cambiakurqa. Kay 2012 watapipas kay qellqapa qaranpiqa lloqsimunqam predicasqanchikmanta huk sumaq dibujokuna. Chaynapim yuyarichiwasunchik Diospa munaychakusqanmanta maypipas willakunapaq (Hech. 28:23). Iskay kaq paginanpiñataqmi lloqsimunqa chay dibujo ima fotomanta horqosqa kasqanmanta hinaspa maypi kasqanmantapas. Sapa killam yuyarichiwasun “enterollan kay pachapi” predicasqanchikmanta (Mat. 24:14).
Chaymantapas huñunakuypi estudianapaq yachachikuykunata qawaspaykiqa, musyankim yuyarinapaq kaq tapukuyninkunaqa qallariyllanpi kasqanta. Chaynapim qallariyninmanta yachanki imakuna yachachiy munasqanta hinaspapas preparakuspaykiqa chayllam tarinki. Ñawpaqpi rurasqanchikman hinam, kay tapukuykunaqa servikunqa huñunakuypi estudiayta tukuruspa yuyarinapaq. Chaymantapas qawankitaqmi qellqasqapa patankuna hatunniq kasqanta chaynataq paginakunapawan parrafokunapa numeronkunapas suti rikuylla kasqanta.
Qawankitaqmi mosoq yachachikuytapas. Sutichakunqam “Waqaychasqa kaqkunamanta”, nispa. Kay qellqapa willakusqanman hinam kay yachachikuypiqa willawasun, pasaq watakunapi Jehová Diospa Testigonkunapa rurasqankumanta yuyarinapaq. Kanqataqmi: “Yanapakunkum Diosmanta willakuypi” nisqan yachachikuypas, chaypim wakin kutikunapi lloqsimunqa mana ancha predicaqkunapa kasqanpi yanapaq cristianokunamanta hinaspa kusikuyta tarisqankumantapas.
Munanikum Bibliata estudiaspayki kay qellqawan anchata yanapachikunaykita.
Ruraqkuna
[3 kaq paginapi foto]
1879
[3 kaq paginapi foto]
1895
[3 kaq paginapi foto]
1931
[3 kaq paginapi foto]
1950
[3 kaq paginapi foto]
1974
[3 kaq paginapi foto]
2008