¿Imatam biblia nin?

¿‘Tukupay punchawkunapiñachu’ kawsachkanchik?

¿Ima niwaqtaq?

• Arí

• Manam

• Ichapas

¿Imatam biblia nin?

“Tukupay punchawkunapiqa mana haykapipas qawasqanchik sasallaña punchawkunam kanqa” (2 Timoteo 3:1). Bibliapa willakuyninkuna hinaspa kay tiempopi tukuy ima pasasqanmi qawachiwanchik ‘tukupay punchawkunapiña’ kawsasqanchikta.

¿Imatawanmi bibliaqa nin?

• Tukupay punchawkunapiqa kananmi karqa guerrakuna, muchuykuna hinaspa kaypi-chaypi unquykuna (Mateo 24:3, 7; Lucas 21:11).

• Tukupay punchawkunapiqa runakunam kananku karqa mana kuyakuyniyuq (2 Timoteo 3:2-5).

¿Imataq pasanqa runakunata?

¿Imatam runakuna ninku? Ninkum tukupay punchawkunapa tukupayninpi runakunaqa hinaspa kay pachaqa chinkachisqa kanankumanta. Wakinñataqmi ninku, runakunaqa aswan allin kawsakunanchikmanta. Qamqa, ¿ima niwaqtaq?

¿Imatam biblia nin?

‘Allin ruwaq runakunam allpataqa dueñoyanqaku. Paykunaqa chaypimiki wiñaypaqraq kawsakunqaku’ (Salmo 37:29).

¿Imatawanmi bibliaqa nin?

• Tukupay punchawkunapa tukupayninpim tukuy rikchaq mana allinqa chinkanqa (1 Juan 2:17).

• Kay pachanchikmi sumaq huertayanqa (Isaias 35:1, 6).