Jehová Diospa Testigonkunapa Distrito Asamblean 2005 “Diosta kasukuy”
1 Allin Yachachiq kaspanmi, Jehová Diosqa huñuwanchik yachachiwananchikpaq (Isa. 30:20, 21; 54:13). Esclavo fiel discretowanmi watan-watantinpi distrito asamblea nisqa huñunakuykunata organizan (Mat. 24:45-47). Salmista hinam ñoqanchikpas takichwan: “Lliw huñunakuqkunapa chawpinpiqa Tayta [“Jehová”, NM] Diostamiki alaballasaq ñoqallayqa”, nispa (Sal. 26:12). Davidqa allintam yacharqa Jehová Diospa yachachisqanqa allin kasqanta, decidikusqataqmi Diospa llaqtan maypi huñunakusqanman riytapas.
2 ¿Munawaqchu “Diosta kasukuy” Distrito Asambleapi ‘huñunakuqkunapa chawpinpi’ tarikuyta? Chayna kaptinqa, qatimuq willakuykunam yanapasunki.
3 Allichakuchkayña kimsantin punchawta rinaykipaq. “Ganaswan llamkakuq runapa yuyaymanasqanqa apoyachinqam.” (Pro. 21:5.) ¿Manachu asambleaman rinapaq kaykuna yachachiwanchik kunanmantapacha allichakunanchikpaq? Lliw programata uyarinapaq, kunanmantapacham allichakuchkana kimsantin punchaw rinapaq. Permisota mañakuchkayña llamkaynikimantapas, mana iñiq qosayki warmikipas kaptinqa willachkawaqña. Ima sasachakuykunapiña tarikuspaykipas Jehová Diosman mañakuy, paypi confiaptikim “paymi qespichinqa tukuy imapas ruranaykipaq piensasqaykikunataqa” (Pro. 16:3). Qanwan Bibliata estudiaqkunatapas yanapawaqmi kimsantin punchaw chaypi kanankupaq.
4 Alojamiento. Alojamiento Departamentoqa maskanqa alojamientota mana tariy atiqkunapaqmi. Wawqe paninchikkunapa wasinpi alojakunankupaqqa allin conductayoqmi wawqe panikunapas, wawankunapas kananku, kaytaqa congregacionpi Comité de Servicio nisqam aprobanan. Alojamientopi allin kanankupaqqa kuyakuywanmi yanapanakunmanku alojaqpas alojakuqpas.
5 Asambleapim wawqe paninchikkunata, kuyakuywan wasinchikpi chaskisunchik. Llaqtanchikpi asamblea kaptinqa, ¿chaskinchikmanchu wasinchikpi wawqe paninchikkunata alojakunanpaq? Asambleakunapaqqa necesitakunmi achka alojamientokunata. Kuyakuyninchiktam rikuchinchikman, chayrayku ‘amayá kikillanchikpaqchu allintaqa munasunchik aswanqa wakinkunapaqwanyá’. Alojaqpuni kaptinchikqa segurochá Jehová Dios bendisiwasun. Congregacionpi secretariowanmi rimananchik alojamientota qonanchikpaq (Fili. 2:4; 3 Juan 5). Sichus huk llaqtapi asambleaman riyta munachkankiman hinaspa necesitanki alojamientota secretarioman willay. Huntasqa solicitudtataq hermanoman qoykuy, payñataqmi apachinqa. Chaskisqaykiman hina huntay.
6 Alojamientoqa asamblea punchawkunallapaqmi; manam allinchu kanman sichus ima ruranapaqpas asamblea puntata richwan, nitaq asamblea tukuyta qepakuypas. Kuyakuq cristiano kaspanchikmi wasiyoqta respetasunchik hinaspa rikuchisunchik agradecido kasqanchikta. Wawankunatapas yachachinmanku alojakusqanku wasita respetanankupaq; manam imatapas maskakunqakuchu, nitaq imatapas malogranqakuchu. Sociedadpa lliw kamachisqanta kasukuptinchikqa, hamuq tiempopipas chaskisunchikmi alojamientota.
7 Mana kaqniyoqta yanapay. Wakin cristianokunamantam apóstol Pablo nirqa: “Paykunaqa ñoqapaqmi hatun consuelo karqa”, nispa (Col. 4:7-11). Chay wawqekunam tukuy necesitasqankunapi yanaparqaku. ¿Imaynatam ñoqanchikpas asambleaman hamuqkunapaq ‘hatun consuelo kanchikman’? Yuyaqkunapas, onqosqakunapas, precursorkunapas necesitanmanku carropi apanata otaq alojanatapas. Familiankum puntataqa atiendenmanku (1 Tim. 5:4). Paykuna manaña atiptinkuqa cristiano wawqe paninchikkunapaschá yanapanmanku (Sant. 1:27). Musyarikuq kaspanchikqa rikunchikmanmi congregacionpi pim yanapanata necesitachkanman. ¿Illanchikmanchu paykunawan asambleaman? Precursorkunawan illaspaqa experienciakunatachá willawasunchik. Yuyaqkunawan illaptinchikqa, yaqapaschá cristiana kawsayninpi sumaqllataña rurasqankuta willawanchikman. ¿Manachu kay wawqe paninchikkuna ñoqanchikta, familianchiktapas kallpanchawanchikman? Estudio libropi superintendentekunam gruponpi necesitaqkunata tapurinmanku yanapanankupaq, puntamanta allin organizasqa kananpaq.
8 Chawpi punchawkunapi kusikusun: Pasaq watakunata hinam asambleaman mikunata apakusunchik. Kayta kasukuspam lliw wawqe panikuna chawpi punchawpi familiankuwan mikunku. Achkam ninku chawpi punchaw samarinapaq sumaq kasqanta, wawqe panikunawanpas rimarinankupaq. Chaypaqmi puntamanta yanukunapaq, ima tomanapaq kaqtapas rantichkawaqña. Invitasqanchikkunapas apakunmanku ima mikunankuta.
9 Necesitakunmi voluntariokunata. Jesusmi ñoqanchikpaq karqa allin ejemplo, humildadwan hukkunapa necesitasqanpi interesakuspa (Luc. 9:12-17; Juan 13:5, 14-16). Chaynallatam ruranku asambleapi llamkaq voluntariokunapas. Asamblea departamentokunapi llamkanankupaqmi, asambleapaq comité mañanqaña wawqekunata yanapananpaq. Chaypaqmi ancianokuna kikinkumantapuni ofrecekuspa asignacionkunata chaskinmanku. Kusikuywan chaskisqankum congregacionpaqpas allin ejemplo kanqa (1 Ped. 5:2, 3).
10 Wakin departamentokunaqa necesitanqa achka voluntariokunata: acomodadorpaq, asamblea localta pichanapaq manaraq asamblea qallarichkaptin, chawpi punchawta hinaspa tukunapaqpas. Congregacionpi secretariomanmi willanchikman imaymanakunapi yanapananchikpaqpas. Asllatapas wawqe paninchikkunata servisqanchikmi anchata yanapanqa, kusichiwasunchikpas.
11 Asamblea rurakuchkaptinmi yanapanapaq kanqaraq. Yanapayta munaspaqa, asambleapi Servicio Voluntario departamentoman asuykuy. Manaraq 16 watanman chayaq jovenkunapas papankupa qawasqan otaq yuyayniyoq wawqepa qawasqanpi yanapanmanku. Anchatam agradecekunqa yanapasqanchikta, yanapanqataqmi asamblea allin kananpaqpas (Sal. 110:3).
12 Hukkunapa rikusqan. Hotelpi llamkaq jefam nin: “Qamkunam hukkunamantaqa sumaq runa kankichik, allin conductayoq kasqaykichikrayku. Hotelpi llamkaqkunam qamkunamanta rimanku, allin tratasqaykichikmanta, propina chaskisqankumantapas. ¡Qamkuna hamuptikichikmi chay punchawkunataqa lliwchanchu llamkayta munanku!”. Huk periodistam llaqtanpi achka religionkunapa huñunakusqanman rispa, rikusqanmanta qellqarqa. Huknin kaqmi admirachirqa. Chaymi nin: “Kimsa watam rirqani Jehová Diospa testigonkunapa asambleanman. Paykunawan kachkaspayqa manam haykapipas rikurqanichu cigarro pitaqta, cerveza tomaqta nitaq qacha simiwan rimaqkunatapas. Musyasqayman hina chuya runakunam kanku, allin yachachisqa, sumaq sonqoyoq, allin pachasqataq, kawsasqaypiqa manam haykapipas kaynataqa rikurqanichu”. Allin portakusqankupipaschá kaytaqa rimanku. Yuyaymanariy, imaynataraqchá Jehová Diosqa kusikun hatunchananchikpaq hina rurasqanchikmanta (1 Ped. 2:12).
13 ‘Confianza mayordomowanmi’, Jehová Diosqa llaqtanta huñuchin distrito asambleapi espiritual yachachiyta chaskinankupaq (Luc. 12:42). Sasapasmi kanman kimsantin punchawpaq allichakuyqa, ichaqa allinninchikpaqmi kanqa. “Diosta kasukuy” Distrito Asambleam, kallpanchawasunchik Jehová Diosta servinanchikpaq kunanpas wiñaypaqpas. “Huñusqa runakuna ukupiyá Diosta alabaychik”, nispa salmistapa nisqanta kasukusunchik (Sal. 68:26).
[3 kaq paginapi recuadro]
Horario
Ñawpa kaq, iskay kaq punchawpiwan tutamantan
9.30 - tukunqataq 5.05 tardeta
Kimsa kaq punchaw tutamanta
9.30 - tukunqataq 4.10 tardeta