Bibliamantam masta rimanqa
1. Qallariypi, ¿pikunallapaqmi qellqakurqa The Watchtower, nisqa sutiyoq revista? ¿The Golden Age nisqa sutiyoq revista?
1 Waranqa isqon pachak chunka isqonniyoq watapim 1 de octubre killapi lloqsirqa The Golden Age (La edad de oro) nisqa revista, castellanopim ichaqa 1932 watapi qellqakuyta qallarirqa, Luz y Verdad nisqa sutiwan. Lliw runakunapaq rurasqa kasqanraykum kay revistaqa predicacionpi allinta yanaparqa, The Watchtower (castellanopi La Atalaya nisqa sutiwan reqsisqa) revistam ichaqa, unay wataña qellqakurqa ‘aslla ovejakunallapaq’ (Luc. 12:32). Reinomanta predicaqkunaqa kusikuywanmi chaskirqaku The Golden Age nisqa sutiyoq revistata, unay watakunam kay revistataqa, The Watchtower sutiyoq revistamanta aswan achkata rurarqaku.
2. ¿Ima sutiwanmi kunan reqsinchik The Golden Age nisqa revistata, imapaqmi qellqakurqa qallariymantapacha?
2 The Golden Age nisqa revistaqa qellqakurqa Waranqa Wata Cristo gobiernaptin, mundontinpi sasachakuykuna imayna allichakunanta willananpaqmi, chaywanmi qallarinqa runakunapaq sumaq kawsayqa. Tiempopa pasasqanman hinam runakunapa kawsayninqa cambian, chayrayku kay revistapas chayman hina cambiallantaq. 1938 watapiqa kay revista sutichakurqa Consolación nispa; 1947 watapiñataq ¡Despertad! nisqawan, kunankamam chay sutiwanmi reqsinchik.
3. ¿Ima profecia cumplikunanpaq revista ¡Despertad! nisqa allinta yanaparqa?
3 1919 watapi qellqakusqanmantapacham kay revistaqa predicacionpi allinta yanapan (Mat. 24:14). Ichaqa, tukupay tiempopi kawsasqanchikraykum allin kanman ¡Despertad! revistapi mosoq cambiokuna rurayqa.
4. a) ¿Imatam rurananku runakuna Jehová ‘Diospa piñakusqan punchawpi pakaykusqa kanankupaq’? b) Revelación 14:6, 7 versiculokunapa nisqanman hina, ¿ima ninmi runakunata ‘cielopa chawpinta pawaq ángel’?
4 Millonninpi runakunam gustowan leenku ¡Despertad! nisqa revistata, tukuy rikchaq temakunamanta rimasqanrayku. Jesuspa wañukusqan Yuyarisqanchikman hamuqkunaqa yaqa llapankuchá kay revistata sapa kutipi leenku. Jehová ‘Diospa piñakusqan punchawpi pakaykusqa kayta’ munaqkunaqa, manam publicacionninchikkunallatachu leenanku (Sof. 2:3; Rev. 14:6, 7).
5. a) ¿Imamantam ¡Despertad! nisqa revista masta rimanqa 2006 watapi enero killamantapacha? b) ¿Ima ruranankupaq kallpanchasqam kanmanku achka runakuna, ima profeciatam chay cumplinqa?
5 Chayraykum 2006 watapi, enero killamantapacha ¡Despertad! nisqa revista Diospa Reinonmanta masta rimanqa. Leeqkunatapas kallpanchanqa sasachakuyninkuta allichanankupaq Bibliapi consejonkunata maskanankupaq, yachallanqakutaqmi kay tiempopi kawsaymanta Bibliapa willasqantapas. Chaynapim leeqkunaqa entiendenqaku kay tiempopi imakunapas pasasqanta, hinaspa kallpanchanmanpas Jehová Diosmanta masta yachanankupaq (Zac. 8:23).
6, 7. a) ¿Imaynatam revista ¡Despertad! nisqa achka runata yanapanqa 1 Tesalonicenses 2:13 versiculopa nisqan paykunapaq cheqap kananpaq? b) ¿Hayka kutitam killapi rurakunqa revista ¡Despertad! nisqa, hayka idiomakunapim manaña killapi iskay kutitachu rurakunqa?
6 ¡Despertad! nisqa revistaqa hinallam rimanqa lliwman interesaq temakunamanta. Astawanmi ichaqa Bibliamanta rimanqa (1 Tes. 2:13). La Atalaya nisqa revistam willan Bibliapi sasa yachachikuykunamanta willasqanrayku, ¡Despertad! nisqa astawan Bibliamanta rimaptinpas, manañam killapi iskay kutitachu ¡Despertad! rurakunqa. 2006 watapi enero killamantapacham ¡Despertad! revistaqa killapi huk kutillataña rurakunqa, chaymi pisiyachinqa chay revista rurakunanpaq achka llamkasqankuta, huk idiomaman tikrasqankuta, lliw congregacionkunaman apachisqankutapas.
7 Kimsa chunka pichqayoq idiomakunapim ¡Despertad! nisqa qellqakuchkan killapi iskay kutita, kunanmi ichaqa chay idiomakunapipas killapi huk kutillataña qellqakunqa. Yaqa llapa idiomakunapim kay revistaqa qellqakun killapi huk kutillata otaq sapa kimsa killamantapas. La Atalaya nisqa revistam ichaqa hinallam rurakunqa.
8. ¿Imaynatam publicadorkuna munachinmanku ¡Despertad! nisqa revistata La Atalaya nisqa revistawan kuskata?
8 Publicadorkunaqa munachinmankum sapa killapi rurakuq revista ¡Despertad! nisqata mayqan La Atalaya nisqa revistawanpas. Killapi huk revistalla kaptinqa ¡Despertad! nisqata munachinapaq Reinopaq Servicionchikpi yanapakuykunaqa killantinpaq kanqa, manañam kunan hinachu killapi iskayqa.
9. ¿Imapim hinalla yanapanqa revista ¡Despertad! nisqa?
9 1919 watapi qellqakuyta qallarisqanmantapacham ¡Despertad! nisqa revistaqa predicacionpi anchata yanaparqa, yachasqanchik hinam kay revistaqa reqsisqa karqa The Golden Age, Luz y Verdad, Consolación nisqa sutikunawan. Jehová Diostam mañakunchik kay revistapa cambiasqan qepaman aypusqanchikta bendicinanpaq, “llapallan nacionkunamanta, ayllukunamanta, castakunamanta, hinaspa tukuy rikchaq rimayniyoqkunamanta” achka runakuna, Diospa Reinollanpi suyakunankutapas (Rev. 7:9).