Cheqapmanta yachachiq revistakunawan predicay
1. ¿Imaynatam predicacionpi yanapawanchik Llaqta Cuidaq chaynataq ¡Despertad! sutiyoq revistakuna?
1 Llaqta Cuidaq. Jehová Diospa Munaychakuyninmanta Willakuq chaynataq ¡Despertad! sutiyoq revistakunaqa hinallam yanapawanchik predicasqanchikpi hinaspa Jesuspa qatiqninkuna kanankupaq runakunata yachachiypi (Mat. 24:14; 28:19, 20). Kusikunchikmi Diospa Munaychakuyninmanta willamusqanchikpi kay iskaynin revistakunawan predicaspa.
2. ¿Ima cambiokunam rurakurqa Llaqta Cuidaq chaynataq ¡Despertad! sutiyoq revistakunapi, hinaspa imanasqa?
2 Tiempopa risqanman hinam revistakunaqa sayayninpi hinaspa yachachisqanpipas chaynataq imayna predicasqanchikpipas cambiarurqa. Chaymantapas mejoraytapunim munanchik revistanchikkunata runakuna yachay munanankupaq hina chaynataq Diosmanta aswan allinta willananta, chayna kaptinmi ‘llapallan runakuna salvakunankupaq hinaspa cheqap yachachikuy reqsinankupaq’ willasqanchiktam sonqonkupi hatallinqaku (1 Tim. 2:4).
3. ¿Imaynatam revistanchikkunawan servichikusun predicaspanchik?
3 2006 watapi enero killamantam aswan allintaña yacharunchik achka yanapakuykunawan servichikuspa killanpi lloqsimuq ¡Despertad! sutiyoq revistawan predicayta. Llaqta Cuidaq. Jehová Diospa Munaychakuyninmanta Willakuq sutichasqa revistanchikpas huk kutillatam killapi lloqsimunqa predicananchikpaq, chaypaqpas achka yanapakuytam servichikusun killapi lloqsimuq revistawan predicanapaq. Reinopaq Servicionchikpa tukupaq paginanpim revistawan predicanapaq yanapakuykuna lloqsimunqa. Predicanapaq yanapakuykunaqa qawachinmi revistapi qallariq paginanpi lloqsimuq yachachikuymanta otaq runakunapa munasqanman hina wakin yachachikuykunamantapas. Ichaqa aswan allintam predicasunchik revistapi imamanta yachachisqanta ñawpaqmantaraq leespaqa chaymanta predicasqanchik lawpipas rimasqanchikman hina predicaptinchik.
4. ¿Imanasqataq Reinomanta Servicionchikpi revistakunawan predicanapaq yanapakuykuna kaptinpas allin kanman sapaq yanapakuykunawan servichikuyqa?
4 Reinomanta Servicionchikpi sapa revistapaq iskay yanapakuykuna kaptinpas sapaq yanapakuykunatapas servichikuwaqmi. Ichapas predicasqayki lawpi runaqa munanman revistapi mayqen yachachikuytapas. Otaq rimayta munawaq revistapi leemusqaykita mayqen kaqta allinpaq hapisqaykita.
5. Predicanapaq manaraq ensayaspaqa, ¿imatam rurana?
5 Imaynatam preparakuchwan revistakunawan predicanapaq: Wakin kutikunapiqa predicanaykipaq revistapi llapallan yachachikuykunata leeyta mana atispaykipas allintam entiendenayki revistapi mayqen kaqmanta yachachinaykipaq akllasqaykitaqa. Allinpunim sonqonchikmanta kusisqa rimayqa, chaynam kasunchik ima yachachikuy rimananchikmanta allinta yachaspaqa.
6. ¿Imaynatam predicanaykipaq tanteasqaykiman hina preparakuwaq?
6 Chaymanta allinta tanteakuspa piensariy ima nispataq rimayta qallariwaq. Tapuwaq revistamanta ima yachachinaykimanta tupaqta chaynataq runakuna yachay munanankupaq kaqta. Runakunapa sonqonman chayananpaq Diospa Palabran atiyniyoq kasqanpi confiay (Heb. 4:12). Chaypaqqa, imam yachachisqaykimanta tupaq textota akllay atispaqa revistapi copiasqa otaq mana copiasqa kaq textotapas. Piensay imaynatam Bibliamanta textowan tupachiwaq yachachisqaykita.
7. ¿Imakunataq yanapawanchik astawan allinta predicanapaq?
7 Maypi kaspapas Diosmanta willay: Imayna predicanapaq yanapakuykuna allin kananpaqqa servichikunam. Revistakunawan predicanaykipaq sabado punchawpi congregacionwan predicaq lloqsiy. Revistakunawan predicay ñawpaqpi ima qellqanchiktapas chaskiq runakunaman. Bibliata estudiaqkunamanqa qoykuy revistakunata, paykunata watukuspaykitaq wasinpi tarikuqkunamanpas revistakunata qoykuy. Chaymanpas revistakunataqa saqewaqmi rantipakuq rispayki, illaspayki otaq hospitalman rispaykipas. Aswan allintaña predicanaykipaq kallpanchakuy revistawan predicanapaq yanapakuykunata servichikuspa.
8. ¿Imanasqataq Llaqta Cuidaq chaynataq ¡Despertad! sutiyoq revistakunaqa sapaq revistakuna kanmanku?
8 Llaqta Cuidaq. Jehová Diospa Munaychakuyninmanta Willakuq chaynataq ¡Despertad! sutiyoq revistakunaqa sapaq revistakunam. Jehová Diostam hatunchan tukuy Munaychakuq Dios kasqanta (Hech. 4:24). Runakunatam kallpanchan Diospa Munaychakuyninmanta allin noticiakunawan hinaspa yanapantaqmi Jesucristopi iñiyniyoq kanankupaqpas (Mat. 24:14; Hech. 10:43). Chaymantapas willawanchikmi allpantinpi tukuy ima pasasqanqa Bibliapa willasqanman hina cumplikusqanta (Mat. 25:13). Predicasqayki runakunaman yanapay kay revistakunawan yanapachikunankupaq: hinaptinqa revistakunawan pimanpas predicanaykipaq preparakuy.
9. ¿Imatam rurachwan runakunaman kaqmanta watukunapaq?
9 Chaymantañataq piensariy imata tapuykuspa otaq imata nispam runakunata piensarichiwaq. Chaynata ruraspam pitapas predicaspayki revistata chaskisuptikiqa otaq imamantapas parlaykuspaqa chay piensasqayki tapukuyta servichikuwaq kaqmanta watukunaykipaq hinaspa astawan Bibliamanta rimarinaykichikpaq. Sichum kusisqallaña Diosmanta cheqapta predicaptinchikqa, qawasunpunim paymanta yachay munaq chaynataq serviy munaqkunata Jehová Diosqa yachanankupaq yanapasqanta (1 Cor. 3:6).