¿Allintachu yanapani predicaqmasiyta?
1. ¿Imanasqataq allin iska-iskay predicayqa?
1 Huk kutipim Jesusqa 70 qatiqninkunata predicanankupaq “iska-iskayta” kamachirqa (Luc. 10:1, NM). Chayqa allinmi karqa predicaspanku yanapanakunankupaq. Ñoqanchikpas iñiqmasinchikwan predicaspanchikqa, ¿imatam rurachwan yanapanapaq?
2. Predicaqmasinchik rimaptinqa, ¿imanasqataq uyarinanchik hinaspa imaynatam chayta qawachichwan?
2 Uyariy predicasqanta. Predicaqmasinchik Diosmanta pitapas rimapayaptinqa allinta uyariy (Sant. 1:19). Bibliata leeptinqa, qampas Bibliaykipi chay textota leey. Qaway predicasqan runata otaq iñiqmasikitapas. Rimasqankuta allinta uyariptikiqa, uyariq runapas kallpanchakunqam uyarinanpaq.
3. ¿Haykapitaq predicaqmasinchikta yanapachwan?
3 Haykapim rimachwan. Predicaqmasiki rimaptinqa respetasqaykitam qawachinki rimananpaq saqespayki (Rom. 12:10). Huk rimaypiqa ama rimaychu pay predicaptinqa. Ichaqa rimasqanta qonqaruptinqa otaq tapusqanta mana kutichiyta atispan yanapanaykipaq nisuptikiqa, yanapawaqmi ichaqa hina yachachisqallanmanta rimaspa. Arí, kallpanchakuy huk yachachikuykunamanta mana rimanaykipaq (Pro. 16:23; Ecl. 3:1, 7). Chaynata ruraptikiqa predicaqmasikipa yachachisqanmi aswan allin kanqa (1 Cor. 14:8).
4. ¿Imam yanapakun predicaspa kusisqa kanapaq?
4 Jesuspa 70 qatiqninkuna iska-iskay predicayta tukuruspankum “kusisqallaña kutimurqaku” (Luc. 10:17, NM). Ñoqanchikpas predicasqanchikmantam kusisqa kutimusun, predicaqmasinchikpa rimasqanta uyarispa chaynataq mañawaptillanchik rimaspanchikpas.